Luca 3:9 - ꞌRe Ihâimana Uꞌâsi Mono Zadawa Wasuꞌu

⁹ Hâtâra hã ma tô ni'wa hã sarõtõ oto, wede te te ãma sari nhihâri da. Uburé wede hã 're i'rãi pese za'ra mono õ hã te za te te ãma 're anhihâri. Tawamhã unhama u te za te te 're anhamra.

Luca 3:9 ပူးပေါင်းရင်းမြစ်များ

Daniéu 4:14

Ta hã ma tô mreme 'rãihâ na tinha ãne: ‘Ma'ãpé wede hã asiwi 'morõwĩrĩ aba. Asiwi 'morõwĩrĩ aba wamhã, te za ipanhipti asiwi isihâri aba mo. Te za duré isu hã asiwi isinarĩ aba mo. Duré i'rã asiwi sãmra aba wamhã, te za ãma asiwi iropéi wa'aba mo. Iwede awã zahâpâ abaze norĩ 're iwa'utu za'ra mono hã te za duré ta hawi asiwi iwano'õ aba mo, si norĩ ipanhipti na 're isimasa mono norĩ zama.

Daniéu 4:23

Tawamhã ma tô duré hâiwa ãma romhuri'wa we te te si'rai ré hã i'madâ. Ta hã ãne te te inharĩ hã: “Ma'ãpé wede hã asiwi mei wa'aba. Duré asiwi panhipti nhihâri aba mono. Tane nherẽ, isãna'rata si isari ré te za asiwi irẽme 'wa. Tawamhã te za isi'uwazi tete na, duré ẽtẽ topsada brõzi na ãma asiwi iwasisi zahuré wa'wa, rom na siwazari du 're ihâimana za'ra mono wa'wa 're sa mono da. Tawamhã te za ã hã aibâ nhisi wi atébré hã 're rere'e. Tahawa, te za aibâ hã abaze sazém na si oto 're sa. Tawamhã ãne na 're hâimana mono ré hã te za 7 na ãma tiwahu.”

Mateu 3:10

Hâtâra hã te za oto ni'wa hã sarõtõ, wedepa nhihârizéb da hã. Uburé wede hã 're i'rãi pese za'ra mono õ hã te za te te ãma 're anhihâri. Tawamhã unhama u te za te te 're anhamra. — Ãne te dama ãma simiré'é Zuwã hã, 'Re ihâimana u'âsi mono nhimihâzém na hã.

Mateu 7:19

Rowede hã 're 'rã za'ra mono õ wa, te za da te 're sãna'rata nhihâri za'ra, unhama u da te 're sãmra mono da.

Luca 13:6

Tawamhã te tãma ãma romnhimiré'é za'ra ãne, Zezusi hã: — Aibâ hã te 're 'maihâimana, buru tede'wa hã. Iburu ãma hã, rob'ru hã te 're hâimana za'ra, uwa 'ru hã. Figuera wede hã te duré tame 're sa. Tawamhã bâtâ na te mo, figuera 'rã zô. Tane nherẽ, i'rã hã te te 'masãmri õ di, 'rãi ãna sa wa.

Luca 13:7

Tahawa, te buru 'madâ'â'wai ma tinha, ãne: “Si'ubdatõ, ma tô ĩ'ãma tiwahu oto, taré nasi we sô ĩneb ré hã, figuera 'rã zô. Wa tô 'madâ'â wa'a. Te za isizâ. E marĩ da, te za taré 're sab u'âsi, 're 'rãi mono õ nherẽ.” Ãne te romhuri'wai ma tinha.

Luca 13:9

Wahub amo na 'rãi wamhã, wẽ di za. Duré ãne nherẽ 'rãi õ wapsi, te za ĩma i'ru, te sizâri da oto.” Ãne, te romhuri'wa hã tinha, buru tede'wai ma.

Zuwã 15:6

Ni'wam norĩ hã ĩ'ãma 're hâimana u'âsi za'ra mono õ wamhã, 're nomro wẽ mono õ di za. Ta norĩ ãma, wa za uwa 'ru panhipti nhihâri hã ãma simiré'é. Uwa 'ru panhipti nhihâri hã te te 're i'anhamra mono hã, te za 're 'ré za'ra. 'Re 'ré za'ra mono wapsi, te za simisutu te te 're aza'ra i'madâ'â'wa hã, te te 're asui mono da, 're zata za'ra mono da.

Hebreu 10:28

Duréihã 'Re ihâimana u'âsi mono nhimiroti 'rata na, Mozési te te ãma irob'ui'éré hã ni'wam norĩ hã te te siwi 're wẽ'õ pese za'ra mono wamhã, ta norĩ hã ma tô da te dasiwi 're simro, ãma 're dapẽ'ẽzé waihu'u za'ra mono ãna. Marĩ iwasédé hã ta norĩ hã te te 're 'manharĩ za'ra mono ré, siwaptom na titõmo na i'madâ'â za'ra 'wa norĩ hã, iwasété na te te dama 're iwasu'u za'ra mono zéb zarina, ma tô da te dasiwi 're simro, ta norĩ hã.

Hebreu 12:29

Wate 'Re ihâimana u'âsi mono hã ipo're'õ norĩ te te uprosi waihu'u pese di, unhama ro'o za'ẽtẽ na marĩ hã 're isi'unhama pese mono ne hã. Tahawa, wa za tô wa norĩ hã imreme hã wa te 're wapari u'âsi za'ra, Wanhib'apito nhimiroti hã.