Luca 3:38 - ꞌRe Ihâimana Uꞌâsi Mono Zadawa Wasuꞌu

³⁸ Ca'inahã poto'wa nhisi hã, Enosi na isisi hã. Enosihi poto'wa nhisi hã, Seti na isisi hã. Setihi poto'wa nhisi hã, Adã na isisi hã. Adãhã poto'wa hã, 'Re ihâimana u'âsi mono.

Luca 3:38 ပူးပေါင်းရင်းမြစ်များ

Zenezi 2:7

Tawamhã Uburé Danhib'apito, ti'a zaprum na ma tô a'uwẽ hã 'manha, aibâ na. Tahawa, isisi're ãma ma tô sa'u, pẽ'ẽzani ré oto 're hâimana mono da. Ãhã wa, te oto ipẽ'ẽzani ré na hã 're hâimana, hâiba ré.

Zenezi 4:25

Tawamhã Adã norĩ imro me, ma tô duré i'ra hã tãma ti'maipoto zahuré. Tahawa te ãne tinha imro pi'õ hã: — 'Re ihâimana u'âsi mono, Abéu nhowa're'remhã ma tô duré ĩ'ra hã ĩma tisõ, Caĩ te te ĩwĩrĩ nhibrob're ĩma 're ihâimana mono da hã. Tawamhã ta hã ma tô sisi, Seti na.

Zenezi 4:26

Tawamhã duré Setihi ma, ma tô i'ra hã tãma 'maipodo. Ta hã ma tô duré sisi, Enosi na. Tawamhã tame ma tô oto Uburé Danhib'apito nhisi waptẽrẽ na hã ãma 're dawata na'rata za'ra.

Luca 3:37

Rametihi poto'wa nhisi hã, Matuzarẽ na isisi hã. Matuzarẽhẽ poto'wa nhisi hã, Enoqui na isisi hã. Enoquihi poto'wa nhisi hã, Zaredi na isisi hã. Zaredihi poto'wa nhisi hã, Ma'alaléu na isisi hã. Maalaléuhu poto'wa nhisi hã, Ca'ina na isisi hã.

Luca 4:1

Tawamhã Zodã pa hawi, te oto mo Zezusi hã, tirob u apâ morĩ da. 'Re ihâimana u'âsi mono pẽ'ẽzani ré, te 're mo. Taha si, te te 're wapari pese. Tawamhã Ipẽ'ẽzani hã te saprõ, a'ubuni u.

1 Corĩtu 15:45

Duréihã Mozési hã ma tô ãne na ãma rob'ui'éré: “'Re ihâimana u'âsi mono hã ma tô aibâ hã poto 'rata, Adã na isisi hã. A'uwẽ hâiba na 're morĩ da, ma tô poto 'rata tô.” Tane nherẽ, Adãhã ne te tô 're hâimana, 'Re ihâimana u'âsi mono 'rata, dadâ'â ãna 're danomro mono da, te te dama 're i'apisutu mono hã, Ipẽ'ẽzani nhimipisutuzéb zarina. Ta hã Zezusi.

1 Corĩtu 15:47

Duréihã te te dama i'manharĩ 'rada hã aibâ na ma tô ti'a na 'manha, 'Re ihâimana u'âsi mono hã. Tane nherẽ, taha uirĩ na si, ma tô aibâ aimawi hã wei mo hâiwa hawimhã, ti'ai u, Adãhã ma ipire uptabi hã, duré iwẽ uptabi hã.