Luca 3:20 - ꞌRe Ihâimana Uꞌâsi Mono Zadawa Wasuꞌu

²⁰ Tahawa, Erodi hã ma tô Zuwã hã dama ti'ru, dazazéb 're, da te sẽrẽ da. Ãne wamhã, ma tô isipai u tiwasédé hã 'manha, oto Erodi hã.

Luca 3:20 ပူးပေါင်းရင်းမြစ်များ

Neemia 9:26

“Tane nherẽ, tipo're'õ zarina ma tô duré apâ asib'a'uwẽ norĩ hã aiwi 're sipizari za'ra. Ma tô duré asimiroti na rob'ui'éré wi, ba niwĩmhã tiwi 're sipizari za'ra. Ma tô duré asadawa 'mahârâ'wa norĩ hã te te siwi 're simro, apâ atẽme 're sipizari za'ra mono da, te te ãma 're ipo're pu'u za'ra mono hã. Ma tô duré asib'a'uwẽ norĩ hã te te ai'ãma 're wasété zahu ahâ za'ra.

Mateu 4:12

Tawamhã Zezusi hã Zuwã da te isẽrẽzé wasu'u te te wapari wa, ma tô mo, Galiléa u.

Apocalipsi 16:6

'Re idanomro wasété mono norĩ hã ma tô asib'a'uwẽ norĩ, duré asadawa wasu'u'wa norĩ zama hã te te 're simro. Ma tô te te 're wapru pu'u za'ra. Tahawa, ma tô iwa'rãmi dawapru hã tãma i'anhomri mo, õhõ si da te 're âhuri mono da. Ibâre ma tô oto rowasédé hã sô tiwatobro za'ra tô.