Luca 3:17 - ꞌRe Ihâimana Uꞌâsi Mono Zadawa Wasuꞌu

¹⁷ Wei morĩ wapsi, te za da'ãma aipo'o. Amnho trigu, da te 're upõrĩ za'ra mono parimhã, te za da te 're sa'wari za'ra, isa'warizéb 're. Tawamhã itomhâ te za da te ãma 're ro'o za'ra. Taha wamhã, iro hã sa'ẽtẽ wa, da te wĩrĩ waihu'u õ di za. Tane, ĩma ipire hã wei morĩ wapsi, te za da'ãma aipo'o, trigu upõrĩ za'wari ne, duré itomhâ za'wari ne.

Luca 3:17 ပူးပေါင်းရင်းမြစ်များ

Salmu 1:4

Ãnei õ di, iwasété norĩ ma hã. Ta norĩ hã rowa'u, trigu teihi na 're isisa'rei mono ne, te 're hâimana za'ra.

Mateu 13:30

A'â simisutu siré prédu mono, roptehâri na da te 're isãna'rata mono zéb u. Tawapsi wa za oto roptehâri na romhuri'wa norĩ ma 'ru za'ra, wab'ru uimrehẽne te te siwi sanoi mono da, te te duré wasisi mono da, unhama u te te siwi sãmra da, si'unhama da. Taha parip si, te za oto trigu hã tehâri za'ra, amnho za'razéb u te te siwi sa'ra da, ĩma.”

Mateu 3:12

Wei morĩ wapsi, te za da'ãma aipo'o. Amnho trigu, da te 're upõrĩ za'ra mono parimhã, te za da te 're sa'wari za'ra, isa'warizéb 're. Tawamhã itomhâ na te za da te ãma 're ro'o za'ra. Iro hã sa'ẽtẽ nherẽ, da te wĩrĩ waihu'u õ di za. Tane ĩma ipire hã wei morĩ wapsi, te za da'ãma aipo'o, trigu upõrĩ za'wari ne, duré itomhâ za'wari ne.

Luca 3:18

Iwasu'uwẽ na te te 're da'apo're pu'u, Zuwã Batista hã. Tawamhã marĩ na hã isimirowasu'u hã ahâ di, 're danomro wẽ mono da, te te dama 're roti mono ré hã.