Luca 3:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã danhib'apito ma, rob'uiprazé ubumroi'wa norĩ hã ma itẽme aihutu, â dawabzuri te te tãma 'manharĩ za'ra da. Tawamhã itẽme sihutu wamhã, te siwi 'mahâ, ãne: — Rowahutu'wa, wa norĩ hã bété e marĩ, wa za 'manharĩ za'ra ni iwẽ hã, 'Re ihâimana u'âsi mono te te wama rob'manharĩ za'ra tõ da hã.

Luca 3:12 ပူးပေါင်းရင်းမြစ်များ

Mateu 5:46

Rob'uiprazé arĩ ubumroi'wa norĩ hã bété. Ta norĩ hã dawi 're simisaihuri u'âsi za'ra mono wa, te 're nomro wasété. Ta norĩ hã te tizawi pese 'wa norĩ si te te 're sawi za'ra. Tawamhã asawi pese 'wa norĩ si, 're sawi pese za'ra wa'aba mono wamhã, e te za 'Re ihâimana u'âsi mono hã iwẽ hã te te aima 're sõmri za'ra wa'wa. Mare di. Iwẽ hã te te aima 're sõmri za'ra wa'aba mono õ di za.

Luca 18:13

— Tanei õ di, rob'uiprazé arĩ ubumroi'wa hã. Hâiwi te za, romhâ na. Te ti'rã po. 'Râwi siwẽ'õ wa, 'rãi wahutu õ di. Ãne te tãma siwasu'u: “'Re ihâimana u'âsi mono, wa hã ĩwasétére di. Ĩwasété wa, ĩ'ãma aipẽ'ẽzé na, ĩwasédé hã ĩma pari da.”

Luca 3:10

Tawamhã isimirowasu'u hã da te 're wapari za'ra mono wamhã, te sadanharĩ za'ra ni, ãne: — E marĩ, wa za 'manharĩ za'ra ni, iwẽ hã, 'Re ihâimana u'âsi mono te te wama rob'manharĩ za'ra tõ da hã.

Luca 3:13

Tawamhã asa te tãma nharĩ za'ra, ãne: — I'uwaibaba si, te za dawi 're iwaptẽrẽ za'ra wa'aba mo, rob'uiprazém na hã. Ãma dawi 're pararé za'ra wa'aba mono õ di za.

Luca 7:29

Tawamhã uburé ma tô isimirowasu'u hã wapari za'ra ni. Danhib'apito ma, rob'uiprazé arĩ ubumroi'wa norĩ zama, ma tô dame wapari za'ra. Ta norĩ hã ma tô oto wapari pese za'ra, 'Re ihâimana u'âsi mono nhimiroti hã. Tahawa, ma tô Zuwã hã â dawabzuri hã tãma 'manharĩ za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:37

Tawamhã Pedruhu mreme, da te wapari za'ra wamhã, ma tô tapẽ'ẽwara za'ra ni. Tahawa, te ãne tãma nharĩ za'ra ni, Pedru norĩ ma, Zezusihi zadawa wasu'u'wa norĩ ma hã: — Wasiré Izaraéu nhihudu norĩ, e niha za, tawamhã. E marĩ, wa za 'manharĩ za'ra ni.