Luca 3:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã 15 na ma tô ãma tiwahu, Tibériuhu ãma, danhib'apito na 're hâimana mono ré, Roma ãma hã. Isadawa para, te Põsiu Pilatu hã te te dama 're roti, Zudéa ãma. Duré Erodi hã te te dama 're roti isadawa para, Galiléa ãma. Duré Erodihi no hã Filipi hã te te dama 're roti, isadawa para, Itureza na danhipti'a nho'õmo nhisi ãma, duré Taraconiti na danhipti'a nho'õmo nhisi ãma. Duré Risãniza hã te te dama 're roti, isadawa para, Abireni na danhipti'a nho'õmo nhisi ãma.

Luca 3:1 ပူးပေါင်းရင်းမြစ်များ

Zenezi 49:10

Zuda, apito siwazusizé hã te za te te 're tété. Duré isihudu norĩ hã te za õne u'â dama i'rãnho'õmo na dama 're hâimana za'ra. Te za danhoprubzé hã da te tãma 're 'wasari, daro mono bâ. Tawamhã te za duré isimiroti hã da te 're wapari pese za'ra.

Mateu 14:1

Tawamhã apito Erodi Galiléa na danhipti'a nho'õmo nhisi ãma te te 're da'madâ'â mono ré, ma tô Zezusihi wasu'u hã wapa.

Mateu 14:3

Ãne ma tô apito Erodi hã Zezusihi wasu'u na tãma rowasu'u za'ra. Ta hã ma tô aré tinoi mro zô rowasutu, Erodiza na pi'õ nhisi zô. Ino nhisi hã Filipi na isisi. Zuwã Batista hã ma tô aré te te tãma 're roti u'âsi, ãne: “'Re ihâimana u'âsi mono nhimiroti 'rata na rob'ui'éré hã te te ãma roti õ di, asisãnawãi mro na aimro da hã. Tãma wẽ õ di, 'Re ihâimana u'âsi mono ma hã.” — Ãne ma tô te te tãma 're roti u'âsi, Erodihi ma. Tane nherẽ, ma tô apito Erodi hã tinoi mro na tiwi ãma ai'ré. Tahawa, ma tô dama ti'ru, Zuwã Batista hã da te âri da, da te pawasisi da, duré da te sẽrẽ da, dazazéb 're.

Mateu 14:6

Tawamhã Erodihi waptã'ãzém na ma tô dato hã dasiwi 'manharĩ ni. Tawamhã Erodizaha 'ra hã ma tô danho'a apese azarudu hã, apito Erodihi nho'a zama. Tahawa, ma tô 'madâ'â ze, apito Erodi hã.

Mateu 22:17

Tahawa, wa za oto wa norĩ hã wasiwi asadanharĩ za'ra ni, ãne. E Roma ãma danhib'apito uptabi ma, wa za rob'uiprazé hã wa te tãma 're arĩ za'ra, isimiwada'uri zarina. E 'Re ihâimana u'âsi mono ma, wẽ di, ãne hã. E tãma wẽ õ di. Ma'ãpé wama waihu'u za'ra na asimirosa'rada hã, wa te waihu'u za'ra da.

Mateu 27:2

Tawamhã sasedoti ipire norĩ zadawa para, ma tô Zezusi hã dasiwi pawasisi ni, da te dasiwi saprõni da, Pilatuhu u. Ta hã Zudéa ãma da'madâ'â'wa, romanu norĩ nhib'apito uptabi nhimipisudu. Tawamhã itẽme da te dasiwi ãwisi wamhã, ma tô tãma hâiba nhomri ni, Zezusi hã, Pilatuhu ma.

Marcu 6:17

Erodi hã ma tô aré dama ti'ru, Zuwã Batista da te dasiwi pawasisi da, da te dasiwi sẽrẽ da, dazazéb 're, 're sa mono da. Ãne ma tô Erodi hã Zuwãhã ma, rob'manharĩ wasété. E marĩ da. Imro ma, tãma rowẽ da, Erodizaha ma. Tinoi wi, ãma isi'ré na, ma timro, Filipihi mro na, Erodi hã. Ãma mro wa, Zuwã ma tô Erodihi ma tinha: “'Re ihâimana u'âsi mono nhimiroti hã ãne: ‘Asisãnawãi mro na hã tiwi ãma 're ai'ré za'ra wa'aba mono õ di za.’ ” — Ãne ma tô Erodihi ma waihu'u, 'Re ihâimana u'âsi mono nhimiroti hã.

Marcu 6:21

Tawamhã ma tô bâdâ hã pisutu Erodi hã, iwa iwaptã'ãzém na dasipo're pu'u za'ra wa, isiré dasa hã da te huri da. Tahawa, ma tô dama ipire norĩ hã isiré tisa tihu, da'wapéi'wa norĩ nhib'apito norĩ hã, duré Galiléa ãma dama ipire 're ihâimana za'ra mono hã. Tawamhã aihĩni dasiré dasaihuri ré, Erodizaha ma wẽ di, Zuwã Batista idâ'âzéb da hã.

Luca 13:31

Tawamhã Zezusi hã te te apo're pu'u parip si, awa'awi ma tô itẽme 'maihaihutu, farizeu norĩ hã. Tahawa, ma tô Zezusihi ma rob'ru za'ra, ãne: — Mo oto ã hawi aimorĩ. E marĩ wa. Apito Erodi hã ma tô sima aiwẽ, da te dasiwi aiwĩrĩ da.

Luca 2:1

Tawamhã Zuwã hã waptã'ã wamhã, ma tô Roma ãma danhib'apito Agustu hã dama ti'ru, uburé danhisi na, da te daza'rata za'ra da. Dahâiba te te waihu'u da, ma tô dama ti'ru, daza'ratazé hã. Daza'rui mono bâ danhib'apito uptabi, apito Agustu hã. Tawamhã ma tô dahâiba za'rata na sãna'rata za'ra ni, Sireniu hã, isadawa para te te dama 're roti mono ré, Siria na ti'a nhisi ãma.

Luca 23:24

Da te tiwi iwaptẽrẽzéb uwaibaba, ma tô pisutu, wedepo'o nhonhi'rãmi na sa'o da, Zezusi hã, dâ'â da.

Luca 3:19

Tawamhã apito Erodihi ma, te duré tinha, wasété na 're morĩ wa. Tinoi mro, ma tô ti'â, Erodi hã. Inoi mro nhisi hã, Erodiza na. Ma tô duré tiwasédé hã te te 're ab'manharĩ. Tahawa, te tãma tinha, Zuwã hã.

Luca 9:7

Tawamhã apito Erodi hã, Galiléa ãma da'madâ'â'wa hã ma tô Zezusihi wasu'u hã wapa. Ãne ma tô ni'wam norĩ hã ãma rosa'rata za'ra, Zezusihi ãma hã: — Ãté Zuwã Batista apâ ihâiwa'udu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:26

“Peresi, wanhib'apito, uburé na da'madâ'â'wa, wa ãma asawi. “Wa hã, Claudiu Risia.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:27

Tawamhã maparane ma tô ãma tiwahu, Sezariza ãma sãmra ré, dazazéb 're, Paulu hã. Tawamhã Posiu Festu hã te za oto si'apito, Peresihi nhowa're're. Tahawa, apito Peresi hã sisa'u ma tô tizadawa ãma tirẽ, dazazéb 're, hâimana u'âsi da Paulu hã, isa'u. Zudeu norĩ ma, rowẽzéb da, ma tô ãne hã tizadawa hã ãma tirẽ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:30

Tawamhã apito Agripa hã duré apito Festu hã duré Berenisi hã, duré uburé isiré isi'ubumro norĩ zama ma tô tiwahutu za'ra aihĩni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:27

— Ãhã na, tô sena Zeruzalẽ ãma ma tô tasi'rã'õtõ ni, aima romhuri wẽ 'wa zada, Zezusihi zada, Danho'reptui'wa da ipisutu zada. Erodi norĩ hã ma tô sitẽme ubumro, Põsiu Pilatuhu me. Ta norĩ hã zudeu'õ norĩ me duré Izaraéu nhihudu norĩ me, ma tô sada si'rã'õtõ, te te siwi wĩrĩ da.