Luca 24:51 - ꞌRe Ihâimana Uꞌâsi Mono Zadawa Wasuꞌu

⁵¹ Tawamhã taha ré, ma tô tiwi timorĩ za'ra. Imama hã ma tô tiwi âri za'ra, hâiwa u.

Luca 24:51 ပူးပေါင်းရင်းမြစ်များ

Marcu 16:19

Wanhib'apito Zezusi hã te te tãma rowasu'u za'ra pari, ma tô hâiwa u tiwi âri za'ra, 'Re ihâimana u'âsi mono nhimire niwĩ oto 're sãmra mono da, pire uptabi na.

Luca 24:50

Tawamhã Zezusi hã ma tô tisiré 're inomro mono norĩ hã te te simro, 'ri ahâ nhiti, Betãnha na 'ri wa'õtõ nhisi u. Tamomo te te rob'umhutu za'ra wamhã, ma tô tinhib'rada hã wahutu, tisi hawimhã, iwẽ hã te te tãma sõmri za'ra da, Zezusi hã.

Luca 24:52

Tawamhã isa'u, te Zezusihi ãma tiwata za'ra, hi'rãtitõ. To sina, te apâ ai'aba'ré, Zeruzalẽ u.

Zuwã 20:17

Tawamhã Zezusi te tãma tinha, ãne: — Ĩtété õ di za. Zahadu apâ ĩmorĩ õ di, Ĩmama u hã. Mo oto aimorĩ, ĩsisãnawã norĩ u tãma ĩzadawa wasu'u za'ra da. Ĩmama u, wa za oto mo apâ hâiwa u, Aimama aba u. Ĩnhib'apito u, wa za oto mo, Asib'apito za'ra wa'aba u. Ãne tãma ĩzadawa wasu'u za'ra na za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:9

Tawamhã tizadawa wasu'u'wa norĩ ma, te te tãma roti za'ra pari, ma tô Imama hã tiwi âri za'ra, isõ'a za'ra, hâiwa u morĩ da oto, Zezusi hã. Morĩ ré, te te siwi sawẽrẽ. Tawamhã hâiwa'a 'rowi ma tô tiwi tizébré za'ra oto. Tahawa te te siwi 'madâ'â waihu'u õ di oto. Tawamhã hâimo te te siwi sawẽrẽ mono ré, aibâ norĩ hã ma tô sa'rese ãna aima'wara zahuré, isababab za'ra, uza hâirã ré.

Hebreu 1:3

Õhõ si te oto Timama hã iwẽ uptabi na te te dama 're wasu'u, rowa'a isa'ẽtẽ ré na hã. Taha si te Timama ne 're hâimana, aiwa wa. Tinhimiroti nhiptete na te uburé marĩ hã te te 're a'upari wẽ, 're si'utõrĩ tõ za'ra mono da. Õhõ si dawasédé hã te te dama 're apari mono da, dazada dâ'â wa, taha pari hâiwa'utu wa, te oto 'Re ihâimana u'âsi mono nhimire niwĩ 're sãmra hâiwa ãma, danhipai u iwaihu'u pese uptabi nhimire niwĩ, isiré te te 're da'ab'madâ'â mono da oto, pire uptabi na.

Hebreu 4:14

Sasedoti ipire uptabi na te tô ni'wa hã te te wa'ãma 're romhuri u'âsi. Ta hã Zezusi, 'Re ihâimana u'âsi mono 'ra. Timama u ma tô mo hâiwa u, 'râwi te te tiwi 're rowaptẽrẽ u'âsi mono da, wama za'ra. Tahawa, Zezusi, wa te 're isaze za'ra mono zém na tô sena dama 're iwasiwasu'u za'ra mono zéb zarina, wa za tô ta hawim haré wanhiptete sina ãma 're wahâimana u'âsi za'ra.