Luca 24:38 - ꞌRe Ihâimana Uꞌâsi Mono Zadawa Wasuꞌu

³⁸ Tahawa, te Zezusi hã tãma nharĩ za'ra, ãne: — E marĩ da, ma tô ĩma aipẽ'ẽwara za'ra wa'wa. E marĩ da, ma tô ĩwawã za'ra wa'wa, ĩhâiwa'utuzém na.

Luca 24:38 ပူးပေါင်းရင်းမြစ်များ

Daniéu 4:19

Tawamhã Daniéu, Béutésaza na isisi amo ãne hã te te wapari wa, ma tô tãma a'rã. Tahawa, te a'â rosa'rata ma za, ari'iwi. Tawamhã te apito tãma tinha ãne: — Béutésaza, aihâtâ'â tõ, rosawẽrẽ na hã duré za marĩ te te iwasu'uzém na hã. Tane nherẽ, ma tô Daniéu ãne ãma tãma wa'rã: — Apito, asimirosawẽrẽzé iwasu'u hã aré tô iwẽ ĩma hã, aihâiba upana asitob'ru norĩ hâiba u ihâimana da hã. Tane nherẽ, ta norĩ hâiba hã te te wasu'u õ di.

Daniéu 4:5

Tane nherẽ, nimahã mara na te irosawẽrẽzé hã ma tô ĩhâtâ'â za'ẽne hã ĩma sina waze. Ĩnhotõ 'rowi, marĩ te i'madâ'âzé hã duré ãma ĩnhimirosa'ratazé hã ma tô ipipa ĩma tisõ.

Mateu 16:8

Tawamhã Zezusi hã isimirosa'rata za'ra hã te te sina waihu'u wa, te ãne tãma nharĩ za'ra: — E niha te i'u'ẽtẽ wapu hã aima ihâimana za'ra wa'aba õ na, sô asimrami za'ra wa'wa. E asiwi ĩ'umnhasi za'ra wa'aba ãna.

Luca 24:37

Tawamhã dahâiba warõ newa, ma tô tãma tipẽ'ẽwara za'ra.

Luca 24:39

Ĩnhib'rada, 'madâ'â za'ra wa'aba. Duré ĩpara hã 'madâ'â za'ra wa'aba. Ma'ãpé oto ĩzaze za'ra wa'aba. Wa hã tô, Zezusi. Dahâiba warõ hã nhi õ di, duré hi õ di. Wa hã ĩnhi ré hã, duré ĩhi ré hã. Ma'ãpé asib'rata na ĩ'upi za'ra wa'aba, tô sena na ĩzaze za'ra wa'aba da.

Hebreu 4:13

Marĩ hã 'Re ihâimana u'âsi mono wi isima'uri pese na hã 'maihâimana õ di, te te 're i'ab'madâ'â mono õ na hã. Ai'uréiwi te uburé marĩ hã tãma 're hâimana, sõ'awi. Taha ma si, wa za nimahã na hã wahâimanazém na tãma wasiwasu'u za'ra ni, wahâiba mono bâ. Tahawa, wahi'rata norĩ ne, 're wahâimana za'ra mono õ di za, wa norĩ hã.