Luca 24:36 - ꞌRe Ihâimana Uꞌâsi Mono Zadawa Wasuꞌu

³⁶ Tawamhã isazei'wa norĩ ma, te te rowasu'u zahuré ré, ma tô Zezusi hã iwa'wa tizab za'ra. Ãne te tãma nharĩ za'ra: — Rowẽ na 're aihâimana za'ra wa'aba mono.

Luca 24:36 ပူးပေါင်းရင်းမြစ်များ

Mateu 10:13

Tawamhã danhorõwa u 're aihutu aba mono wi, da te 're ai'mazasi wẽ za'ra wa'aba mono wamhã, 're isawi za'ra wa'aba mono zéb zarina, te za rowẽ na 're hâimana za'ra, 'ri tede'wa norĩ hã. Duré da te 're ai'mazasi wẽ za'ra wa'aba mono õ wamhã, rowẽ na 're hâimana za'ra mono õ di za, 'ri tede'wa norĩ hã.

Marcu 16:14

Tawamhã Zezusi hã tisiré 're inomro mono norĩ u ma duré wi, sai ma, si'ubumroi ré, 11 na ihâiba za'ra u. Tawamhã timreme ma tô tãma pẽtẽ za'ra, siwi isabui'wa norĩ nhimirowasu'u hã te te saze za'ra õ wa, apâ ihâiwa'utuzém na da te iwasu'u na hã.

Luca 10:5

Duré, danhorõwa u 're aihutu aba mono wamhã, te za a'â 're idazawi za'ra wa'aba mo, rowẽ na 're dahâimana za'ra mono da.

Zuwã 14:27

— Rowẽ na si 're anomro aba mono zéb si, wa za oto aima pisutu za'ra wa'wa, ĩ'ãma 're aipẽ'ẽzé za'ra wa'aba mono tõ da, duré asina 're aihâtâ'â za'ra wa'aba mono ãna, 're anomro aba mono da. Taré te aima pisutu za'ra wa'aba õ di. Ĩzazei'õ'wa norĩ nhimipisutuzém nei õ di, ĩnhimipisutuzé hã.

Zuwã 16:33

Ãne na wa tô aima rowasu'u za'ra wa'wa, ĩ'ãma 're aihâimana za'ra wa'aba mono wa, rowẽ na 're aihâimana za'ra wa'aba mono da. Tane nherẽ, ĩzazei'õ'wa norĩ hã te za tô te te 're ai'ruiwapari u'âsi za'ra wa'wa. Tahawa, te za 're irobzépata za'ra wa'aba mo. Tane nherẽ, te za asiptete sina ĩ'ãma 're anomro aba mo. Wa hã ĩzazei'õ'wa norĩ ma, ĩnhiptete uptabi wa, wa tô ãma ai'uté za'ra.

Zuwã 20:26

Tawamhã romhuri misi ãma si'utõrĩ za'ra pari, ma tô duré Zezusihi siré 're inomro mono norĩ hã si'rã'õtõ, tô dumigu na. Tome hã te oto ime tinhamra za'ra. Tawamhã 'ri nhitop tete nherẽ, ma tô duré wei itẽme tizébré za'ra, Zezusi hã. Iwa'wab za'ra, te duré ãhã wamhã za. Ãne te tawamhã duré sawi za'ra: — Rowẽ na 're aihâimana za'ra wa'aba mono.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:3

Zezusi hã dâ'â nherẽ, hâiwa'utu wamhã, tihâiba na u'âsi te tô nasi tãma sihâi'ré za'ra, tizadawa wasu'u'wa norĩ ma hã. Nasi itẽme isihâi'ré za'ra zém na hã, 40 na ma tô bâdâ hã ãma ne. Tô sena, Zezusi hã hâiba ré za oto apâ 're imorĩ na te te ãma waihu'u za'ra da, te nasi itẽme sihâi'ré za'ra, taré newa, te te nasi ãma siwi wawã tõ da. 'Re ihâimana u'âsi mono, da'ãma 're isib'a'uwẽ mono zém na ma tô duré tãma rowasu'u za'ra.

1 Corĩtu 15:5

Tawamhã Zezusi hã hâiwa'utu pari, Pedruhu ma, ma tô sihâi'ré. Taha pari, ma tô duré tizadawa wasu'u'wa norĩ ma zama sihâi'ré za'ra, 12 na aré isiré 're inomro mono norĩ ma hã.

1 Corĩtu 15:7

Taha pari, ma tô duré Tiaguhu ma sihâi'ré. Taha za'u si, ma duré dama isadawa wasu'u'wa da, za daro mono bâ te te isatõrĩ za'ra norĩ ma, sihâi'ré za'ra, uburé te te hâiba pibu za'ra da.

2 Tesalonita 3:16

Wanhib'apito wi, wama rowẽ nhomri'wai wi, wa wa te 're rowaptẽrẽ za'ra, rowẽ u'â hã ai'ãma 're hâimana u'âsi za'ra wa'aba mono da.

Apocalipsi 1:4

Wa hã, Zuwã. Ĩnhimi'ui'éré na wa ãma asawi za'ra wa'wa, Azia na danhipti'a nho'õmo nhisi ãma, Zezusihi zazei'wa, asiré 're asi'rã'õtõ u'âsi aba mono norĩ hã, 7 na daza'rui mono bâ 're i'ai'rã'õtõ aba mono norĩ hã. Wa hã wa ai'ãma 're ĩmreme u'âsi za'ra wa'wa, 'Re ihâimana u'âsi mono ma, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, ãma 're anomro aba mono da. Ta hã duréihã marĩ õ uptabi ré, ma tô 're hâimana u'âsi. Õne u'âsi te za duré ãhã mono na zama hã 're hâimana. Hâiwa ãma te ta hã 're sãmra u'âsi, danhib'apito simasisizém na. Duré Ipẽ'ẽzani zama te te 're aipawaptob u'âsi za'ra wa'aba mono da, wa duré ai'ãma te 're rosa'rata u'âsi za'ra wa'wa. Ta hã te 'Re ihâimana u'âsi mono simasisizé uiwada 're hâimana u'âsi. Taha pẽ'ẽzani hã 7 na isimiromhuri hã.