Luca 24:28 - ꞌRe Ihâimana Uꞌâsi Mono Zadawa Wasuꞌu

²⁸ Tawamhã ma tô rob'umhutu za'ra oto, 'ri wa'õtõ u hã, Emausi u. Zezusi hã te aré tiwi timorĩ waré zahuré.

Luca 24:28 ပူးပေါင်းရင်းမြစ်များ

Zenezi 19:2

Taha sina, ma tô ãne tãma nharĩ zahuré: — Ĩnhib'apito norĩ, ma'ãpé asib'a'uwẽ nhorõwa u ĩsiré ãma ane wa'aba da asima wẽ wa'aba. Tawamhã õmep si te za 'râwi asipara upsõi wa'wa. Te za duré tame asõtõ 'wa. Tawamhã awẽ wi mararé te za ane wa'aba zém na ãma i'uzusi 'wa za. — Mare di. 'Re idasisõpẽtẽ pese za'ra mono zéb ãma rowip si wa za wanhotõ ni. — Ãne ma te asa ãma sada'âbâ zahuré.

Zenezi 32:26

Tawamhã aibâ, te Zacoho ma tinha ãne: — Ĩma asimirẽme, ĩmorĩ hâ. Ma tô we oto tirowa'a. Tawamhã Zaco, ma te ãma tãma wa'rã ãne: — Aima ĩnhimirẽme õ di za a'â, ĩwẽ hã ĩma 're apisutu mono da, asina ĩma ropisutu õ nherẽ.

Zenezi 42:7

Tawamhã Zuzé tisisãnawã norĩ te te 'madâ'â za'ra wi, ma tô waihu'u za'ra. Tane nherẽ, te te iwaihu'u za'ra õ ne, te mreme tete na hã sadanharĩ za'ra ãne: — E ma hawimhã bété, a norĩ wa'wa hã. — Cana'ã hawimhã wa norĩ wa we ai'aba'ré ni. Wa tô wasima wẽ za'ra ni, mra wa te 'mai'uipra za'ra da. — Ãne ma tô asa ãma tãma wa'rãmi za'ra, timreme na hã.

Marcu 6:48

Tawamhã ẽtẽ 'rãihâ hawi, ma tô 'madâ'â za'ra tisiré 're inomro mono norĩ hã, uba're sari na si'u'ẽtẽ za'ra mono ré, rowa'u'u za'ẽne apâ te te tiwi wabzuri za'ra mono wa. E marĩ wa. Rowa'u hã isõ'õmoi baba te te rowapõrĩ za'ra wa. Taha ré, ma tô Zezusi hã itẽme timorĩ za'ra â nhisi baba, mara hâ ré. Tawamhã isõ'rãmi te aré timorĩ za'ra, Zezusi hã.

Luca 24:29

Tahawa, ma tô tãma nharĩ zahuré, tiwi morĩ zahuré tõ da: — Wa'rata asãmra a'â. Ma tô wawi tihâiwahâ. Te za wawi tirobra. Tahawa, ma tô ãzé 'ri para u, i'rata sãmra zahuré da, a'â.