Luca 24:24 - ꞌRe Ihâimana Uꞌâsi Mono Zadawa Wasuꞌu

²⁴ Tahawa, ma tô wasiré norĩ hã 'mane, pi'õi wa'rãmi, ab're u. Ta norĩ te te duré robzabu zahuré wamhã, ab're hã baba na ma tô duré sabu zahuré, pi'õ norĩ nhimirowasu'u zarina. Taha wamhã, te duré wama rowasu'u za'ra, Zezusihi hâiba hã te te isãmri zahuré õ na.

Luca 24:24 ပူးပေါင်းရင်းမြစ်များ

Mateu 2:7

Tawamhã Erodi ma tô sô tihârâ za'ra, bâtâ pusizém hawi isihutu norĩ zô, pi'uriwi te te sadanharĩ za'ra da, ta norĩ hã ãne: — E mahãna ma tô wasi hã watobro.

Luca 24:12

Tane nherẽ, Pedru hã ma tô wahudu, ab're u wara da, te te sabu da. Ab're u wisi wamhã, ma tô sô aiwẽ'ẽ, te te sô rob'madâ'â da. Sô siwẽ'ẽi wamhã, i'ubuzéb si, ma tô sabu. Tahawa, ma tô apâ mo 'ri tẽme, tob'uzu sina, marĩ ihâimanazém na.

Luca 24:25

Tawamhã Zezusi hã te asa tãma nharĩ zahuré, ãne: — E niha bâ bété, waihu'u su'u aba õ di, sazei aba da, 'Re ihâimana u'âsi mono zadawa 'mahârâ 'rata 'wa norĩ nhimirowasu'u mono bâ, Danho'reptui'wa na rob'ui'éré hã. Danho'reptui'wa da, 'Re ihâimana u'âsi mono te te ipisudu hã te za a'â robzépata, rowasédé, da te tãma 'manharĩ wamhã. Taha parip si, te za rowẽ ãma 're sãmra, 'Re ihâimana u'âsi mono te te tãma ipisutuzéb uwaibaba.