Luca 24:22 - ꞌRe Ihâimana Uꞌâsi Mono Zadawa Wasuꞌu

^22-23 Ni'wam norĩ hã pi'õ norĩ hã ma tô ai'aba'ré ab're u, wasiré isazei'wa norĩ hã. Tane nherẽ, te te siwi sãmri za'ra õ di, ihâiba hã. Ab're hã baba na, ma tô sô sabu za'ra. Apâ sihutu wamhã, ãne te wama rowasu'u za'ra: “'Re ihâimana u'âsi mono ma romhuri'wa norĩ si, wa tô wasiwi 'madâ'â za'ra ni, hâiwa hawi we ine hã. Zezusi hã, u, dâ'â õ di. Te u, oto 're mo. Ãne ma tô wama rowasu'u zahuré.” Ãne te pi'õ norĩ hã wama rowasu'u za'ra. Tahawa, wa tô ãma watob'uzu za'ra ni, isimirowasu'u za'ra na hã.

Luca 24:22 ပူးပေါင်းရင်းမြစ်များ

Zuwã 20:18

Tawamhã Maria Madaréna te oto itẽme timorĩ za'ra, Zezusihi siré 're inomro mono norĩ u, te te tãma sadawa wasu'u za'ra da. Itẽme wisi za'ra wamhã, te tãma rowasu'u za'ra, ãne: — Wanhib'apito, wa tô 'madâ. Timama u te za, u, oto mo, hâiwa u Wamama za'ra u. Tinhib'apito u te za, u, oto mo, Wanhib'apito za'ra u.