Luca 23:49 - ꞌRe Ihâimana Uꞌâsi Mono Zadawa Wasuꞌu

⁴⁹ Zezusihi zawi pese'wa norĩ hã, romhâ na ma tô ãma da'madâ'â za'ra. Pi'õ norĩ zama, te romhâ na ãma da'madâ'â za'ra, Galiléa hawi isarina isi'aba'ré norĩ hã.

Luca 23:49 ပူးပေါင်းရင်းမြစ်များ

Mateu 27:61

Zuzé hã Zezusihi hâiba te te sẽrẽ ré, te pi'õ norĩ hã ab're nho'õmoi baba aimasisi zahuré, Maria Madaréna norĩ hã, Maria na isisi hâiba amoi me. 'Râwi te te ãma 'madâ'â zahuré da, te i'rata aimasisi zahuré.

Marcu 15:47

Ãne Zezusihi hâiba te te sẽrẽ ré, ma tô pi'õ norĩ hã ãma 'madâ'â zahuré, Maria Madaréna hã Mariaha me. Ta hã Zuzéhé na. Tawamhã ma tô sabu zahuré, nimame Zuzé te te isẽrẽzé hã.

Luca 23:27

Tawamhã da'ahâ na te Zezusihi zarina ai'aba'ré ni. Pi'õ zama, te dame ai'aba'ré, wawa sina. Zezusihi ãma pẽ'ẽzé uptabi za'ra wa, te 'ru'ru.

Luca 23:55

Tawamhã Zuzé hã ab're u morĩ wamhã, ma tô pi'õ norĩ hã isarina ai'aba'ré. Zezusihi zarina, Galiléa hawi we isi'aba'ré, pi'õ norĩ hã. Tawamhã ab're hã ma tô sabu za'ra. Duré Zezusihi hâiba, Zuzé te te isẽrẽzé hã ma tô sabu za'ra.

Luca 8:2

Pi'õ norĩ zama, te isiré 're nomro, wa'uburé, te te tãma 're i'anhamra mono norĩ hã. Duré, ihâzé hã te te tãma 're i'apari mono norĩ zama, te isiré 're nomro. Pi'õ nhisi hã, Maria Madaréna na isisi hã, wa'uburé hã, 7 na ihâiba za'ra hã te te tãma isãmra za'ra hã.