Luca 23:43 - ꞌRe Ihâimana Uꞌâsi Mono Zadawa Wasuꞌu

⁴³ Tahawa, te Zezusi hã asa tãma tinha, ãne: — Tô sena wa za aima waihu'u. Ã bâtâ na te za tô ĩ'rata 're asãmra mo, rowẽ uptabi ãma.

Luca 23:43 ပူးပေါင်းရင်းမြစ်များ

Salmu 32:5

Tawamhã ĩwasété na wa tô aima ĩsiwẽ'õ. Ĩnhimi'manharĩ wasété zé hã te aiwi simi'uri õ di. Ĩwasédé hã te aima wasu'u da, wa tô ĩsima rowairébé. Tawamhã a hã uburé ĩwasédé hã ĩ'ãma 're a'madâ'â mono õ di oto.

Luca 23:42

Tahawa, te Zezusihi ma tinha, ãne: — Zezusi, ĩ'ãma aipo're pu'u za, Danhib'apito na apâ we aimorĩ wamhã.

Zuwã 17:24

— Ti'ai õ ré te 're ĩzawi pese mo, marĩ õ uptabi ré. 'Re ĩzawi pese mono wa, ma tô ĩma ipisu, ĩ'ãma 're dawata u'âsi za'ra mono da, duré ĩhâiba na rowa'a za'ẽtẽ ré, 're ĩhâimana u'âsi mono da. Ĩmama, ãne na hã te te 're ĩ'madâ'â za'ra mono da hã, wa tô ĩsima wẽ za'ra, za 're ĩhâimana mono zéb ãma, ĩ'rata 're si'ubumroi u'âsi mono da, ĩma ipisutu za'ra norĩ hã.

2 Corĩtu 5:8

Wa norĩ hã wato sina, wa oto 're wahâimana u'âsi za'ra. E marĩ wa. Ti'ab ré, wahâiba hã wawi 're si'utõrĩ pese za'ra mono nherẽ, wẽ uptabi di za, taha nhowa're're, hâiwa ãma Wanhib'apito 'rata 're iwahâimana u'âsi za'ra mono zé hã.

Filipu 1:23

Ĩnhimirosa'rada hã maparane te 're si'wapé zahuré, ĩpẽ'ẽ 'remhã. Ti'ai ãma 're ĩmorĩzé hã te rẽme da hã, wa ĩsima te 're wẽ tô, Cristuhu siré 're ĩhâimana mono da oto, hâiwa ãma. Ãne wamhã, ĩma 're rowẽ uptabi mono di aré, ti'ai ãma 're ĩhâimana mono zém nhipai u hã.

Hebreu 7:25

Tahawa, te te 're da'anho'reptui waihu'u pese mono di ta hã, da te dasina 're i'umnhasi za'ra mono zéb zarina, 'râwi dapẽ'ẽ 're itẽme 're idasihutu mono norĩ hã, 'Re ihâimana u'âsi mono u. 'Re ihâimana u'âsi mono ma, da'ãma 're mreme mono da, dama 're hâimana u'âsi mono wa, te te 're da'anho'reptui waihu'u pese mono di, ta hã oto.

Apocalipsi 2:7

“A norĩ wa'wa hã asimipari pese aba wamhã, ma'ãpé wapari pese za'ra wa'aba, Ĩmama pẽ'ẽzani hã ĩzazei'wa norĩ ma, te te irotizém na hã. Ãne isimiroti hã: Ni'wam norĩ hã tidâ'âzéb u ĩwi sipizari ãna Satanasihi ãma te te i'ai'uté za'ra norĩ hã ta norĩ ma si, wa za tãma pisutu za'ra, rob'rãi u'â hã te te 're huri u'âsi mono da. Taha wede hã 'Re ihâimana u'âsi mono 're isãmra u'âsi mono zéb ãma te 're sa, rowẽ uptabi ãma hã, i'rã hã da te 're huri mono wa, dadâ'â ãna 're idanomro u'âsi mono zé hã. Ãne Ĩmama pẽ'ẽzani te te irotizé hã.”