Luca 23:42 - ꞌRe Ihâimana Uꞌâsi Mono Zadawa Wasuꞌu

⁴² Tahawa, te Zezusihi ma tinha, ãne: — Zezusi, ĩ'ãma aipo're pu'u za, Danhib'apito na apâ we aimorĩ wamhã.

Luca 23:42 ပူးပေါင်းရင်းမြစ်များ

Salmu 2:6

Tawamhã te ãne tinha: “Apito da, te ipisudu hã wa tô dasimasisizé ipire na hã tisã, Siã ẽtẽ 'rãihâ nhisi ĩte iwazéb zahi ãmamhã.”

Luca 12:8

Te duré tãma nharĩ za'ra, ãne: — Ni'wam norĩ hã ĩzazei'wa na danho'a dama 're siwasu'u za'ra mono wamhã, ti'ai ãma Dasiré Ipodo hã te za duré tizazei'wa na te te 're awasu'u, hâiwa ãma 'Re ihâimana u'âsi mono ma romhuri'wa norĩ nho'a.

Luca 18:13

— Tanei õ di, rob'uiprazé arĩ ubumroi'wa hã. Hâiwi te za, romhâ na. Te ti'rã po. 'Râwi siwẽ'õ wa, 'rãi wahutu õ di. Ãne te tãma siwasu'u: “'Re ihâimana u'âsi mono, wa hã ĩwasétére di. Ĩwasété wa, ĩ'ãma aipẽ'ẽzé na, ĩwasédé hã ĩma pari da.”

Luca 23:41

Wa norĩ hã wawasété wa, ma tô wama rob'manharĩ ni. Tazahã, ã hã marĩ hã te te dama 'manharĩ wasété õ di.

Luca 23:43

Tahawa, te Zezusi hã asa tãma tinha, ãne: — Tô sena wa za aima waihu'u. Ã bâtâ na te za tô ĩ'rata 're asãmra mo, rowẽ uptabi ãma.

Zuwã 1:49

Tawamhã Natãnaéu asa te duré tãma tinha, ãne: — Rowahutu'wa, a hã 'Re ihâimana u'âsi mono 'ra. A hã uburé Izaraéu nhihudu norĩ nhib'apito.

Zuwã 20:28

Tawamhã Tome te asa tãma tinha, ãne: — A hã, Ĩnhib'apito uptabi. A hã, 'Re ihâimana u'âsi mono. Ai'ãma si, wa za 're ĩwata u'âsi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:31

Tawamhã ma tô asa tãma rowasu'u zahuré, ãne: — Wanhib'apito Zezusi asina umnhasi. Tawamhã ta hã te za asõ'reptu, asõrõwa ãma asiré 're ai'ubumroi wa'aba mono norĩ me.

1 Pedru 1:11

Ãne te ta norĩ hã te te sima 're nharĩ za'ra: “E 'wa hã, Danho'reptui'wa za. E niwa te za tawamhã te te 're da'anho'reptu.” Ãne te ta norĩ hã te te sô 're rosa'rata pese za'ra, te te waihu'u za'ra da. Cristuhu pẽ'ẽzani hã ipẽ'ẽ 're, 're hâimana za'ra mono wa, ma tô tãma waihu'u siromo za'ra, Cristu hã za te te irobzépatazém na. Taha pari, rowẽ uptabi hã hâiwa ãma za tãma 're ihâimana mono na ma tô duré tãma waihu'u siromo za'ra.

1 Zuwã 5:1

Ni'wam norĩ hã, Zezu Cristu, Danho'reptui'wa da, 'Re ihâimana u'âsi mono te te ipisutu na te te 're sazei pese za'ra mono wamhã, ta norĩ si te 'Re ihâimana u'âsi mono 'ra, 're hâimana za'ra. Ni'wa hã aibâ hã wama sawi pese za'ra wamhã, taha u'âbâ, wa za duré i'ra norĩ hã wa te 're sawi pese za'ra.