Luca 23:40 - ꞌRe Ihâimana Uꞌâsi Mono Zadawa Wasuꞌu

⁴⁰ Tahawa, ma isiré hã tãma pẽtẽ, ãne: — Tô'ã. E 'Re ihâimana u'âsi mono nhimihâzé, asima pipa ã bâ, ma tô tane tãma inha. Wa norĩ hã wa wasiré waza'o ni, apito nhimiwada'uri zarina. Taré, da te wama rob'manharĩ õ di, dasiwi.

Luca 23:40 ပူးပေါင်းရင်းမြစ်များ

Salmu 36:1

Dawasédé hã te iwasété norĩ pẽ'ẽ 're, te te tãma 're anharĩ. Tahawa, iwasété norĩ hã 'Re ihâimana u'âsi mono wazébzé hã te te 're waihu'u za'ra mono õ di.

Mateu 20:9

— Tawamhã hâiwahâ pesere, romhuri na te te isãna'rata za'ra hã ma tô rob'uiprazé hã waibu hâiba mono bâ, misi bâtâ na dapawa'âbâzéb uwaibaba, bâtâ bâ te te romhuri za'ra õ nherẽ.

Mateu 8:26

Tawamhã Zezusi te tãma nharĩ za'ra ãne: — E marĩ da, ma aipahi za'ra wa'wa. E ĩ'umnhasi za'ra wa'aba ãna. Tawamhã ma tô wahudu, Zezusi hã. Wahutu wamhã, ma tô rowa'u'u ma, duré â sisasisi ma zama hã tinha, te te sazâri da hã. Taha wamhã, ma tô sazâ, rowa'u hã. Ma tô duré oto ti'âtu.

Luca 23:39

Tawamhã rowasété 'manharĩ'wa hâiba amo hã te tãma tinha, ãne: — A hã Danho'reptui'wa da, 'Re ihâimana u'âsi mono te te aipisutu wamhã, ma'ãpé asisõ'reptu na. Wa norĩ zama, wanho'reptu na.

Luca 23:41

Wa norĩ hã wawasété wa, ma tô wama rob'manharĩ ni. Tazahã, ã hã marĩ hã te te dama 'manharĩ wasété õ di.

Éfézu 5:11

Isazei'õ'wa norĩ siré, marĩ iwasédé hã 're 'manharĩ za'ra wa'aba mono õ di za oto, ipẽ'ẽ 're, robra u'âsi 're inomro mono norĩ siré hã. Ta norĩ ma, te za 're iroti pese za'ra wa'aba mo, te te 're sahâri za'ra mono da, tinhimi'manharĩ wasété za'ra zé hã.

Apocalipsi 15:4

Wanhib'apito, dama aipire uptabi wa, te da te dasiwi 're aiwazé. Uburé pese, te da te 're aiwasu'u wẽ za'ra, danhipai u pese, aiwẽ uptabi wa. Aiwétési tô sena aiwẽ uptabi hã. Daro mono bâ 're idahâimana za'ra mono norĩ hã te za we ai'ãma 're dawata u'âsi za'ra, upai ãna dama 're i'arob'manharĩ wẽ mono zé hã da te 're 'madâ'â za'ra mono wa.”