Luca 23:38 - ꞌRe Ihâimana Uꞌâsi Mono Zadawa Wasuꞌu

³⁸ Zezusihi 'rãi uwaibaba, te da'o, ãma irob'ui'éré ré hã. “Ã hã, zudeu norĩ nhib'apito.” Ãne ãma irob'ui'éré hã.

Luca 23:38 ပူးပေါင်းရင်းမြစ်များ

Mateu 2:2

Tawamhã ta norĩ hã te sô anharĩ za'ra, ãne Zezusihi zô hã: — E mahãta 'watébrémi, zudeu norĩ nhib'apito da, ipodo hã. Wasi, wa norĩ hã wa tô 'madâ'â za'ra ni, bâtâ pusizém niwĩmhã, zudeu norĩ nhib'apito da, ipotozé te te iwasu'u hã. Tahawa, wa tô we ai'aba'ré ni, ãma wawata za'ra da.

Mateu 27:11

Tawamhã Zezusi hã Zudéa ãma da'madâ'â'wa nho're, te oto za, Pilatuhu nho're. Tawamhã Pilatu te sadanha, ãne: — E a hã, zudeu norĩ nhib'apito. Tawamhã Zezusi te asa tãma tinha, ãne: — Tahata ma tô tane hã tô ĩ'ãma iwaihu.

Mateu 27:37

Tawamhã Zezusihi 'rã nho'õmoi baba ma tô siwi sasõ, wedepo'o na rob'ui'éré hã, iwasédé hã da te ãma ihirizéb ui'éré ré hã. Ãne ãma irob'ui'éré hã: “Ã hã Zezusi, zudeu norĩ nhib'apito.”

Marcu 15:18

Tawamhã sisarina si te duré nasi timreme na sawi za'ra, taré: — Zudeu norĩ nhib'apito, rowẽ na aihâimana.

Marcu 15:26

Zezusihi 'rãi uwaibaba wedepo'o na rob'ui'éré hã ma siwi tété, da te dasiwi iwẽ'õ za'ra zém na, da te dasiwi ãma waihu'u za'ra da. Ãne ãma irob'ui'éré hã: Ã hã, zudeu norĩ nhib'apito.

Marcu 15:32

Ma'ãpé, ãne ré, wedepo'o nhonhi'rãmi hawi we te te si'ra wanho'a, Danho'reptui'wa Izaraéu nhihudu norĩ nhib'apito hã wa te wasina ãma 're i'umnhasi za'ra mono zéb da hã. Tawamhã isiré isa'o zahuré zama, te nasi tãma nharĩ wasété zahuré, Zezusihi ma.

Luca 23:3

Tawamhã Pilatu te Zezusihi ma tinha, ãne: — E a hã, zudeu norĩ nhib'apito. Tahawa, ma tô Zezusi hã asa tãma tinha, ãne: — Tahata tô ma tô tane hã ĩ'ãma iwaihu.

Zuwã 19:3

Siwa'rãmi te nasi itẽme ai'ré za'ra, tô sena te te nasi sawi za'ra da newa. Tahawa te ãne nasi tãma nharĩ za'ra, ãma wa'ẽ za'ra sina: — Zudeu norĩ nhib'apito, rowẽ na aihâimana. Tawamhã te te nasi sawi za'ra pari, te nasi siwi 'rãi wabzu, sisa'u.