Luca 23:36 - ꞌRe Ihâimana Uꞌâsi Mono Zadawa Wasuꞌu

³⁶ Da'wapéi'wa norĩ zama, ma tô ãma tiwa'ẽ za'ra. Tawamhã ma itẽme ai'ré za'ra, te te tãma wẽ za'ra da, uwa 'rãi wa'u isé hã, iwa'âbâ suru hã.

Luca 23:36 ပူးပေါင်းရင်းမြစ်များ

Salmu 69:21

Mram na 're ĩhâimana mono wamhã, ma tô duré õ norĩ hã marĩ isé pire na iwazari na ĩsa hã te te ĩma 're sõmri za'ra. Duré 'rubu na 're ĩhâimana mono wamhã, ma tô vinagri marĩ zazazép si te te ĩma 're sõmri za'ra, te 're hâsi mono da hã.

Mateu 27:34

Tamomo te te siwi ãwisi wamhã, uwa 'rãi wa'u isé hã ma tô aré tãma sõmri za'ra Zezusihi ma, wedewa'u isé na iwazari ré hã, te te hâ'rẽne da. Tane nherẽ, te te téiwai wamhã, te te sima wẽ õ di, te te hâ'rẽne da, Zezusi hã.

Mateu 27:48

Tawamhã ni'wa hã i'rata isimasam norĩ siré hã si'aba'ré na ma tô piza 're upsõzém ne hã 'mai'â, uwa 'rãi wa'u isé na te te tãma ãma di'i da, Zezusihi ma, iwa'âbâ suru na. Tawamhã wedewaré 'rãsutu na ma tô ãma sapu'u, Zezusihi ma, te te wẽ da, te te upsõmri da.

Marcu 15:36

Tawamhã ni'wa hã si'aba'ré na ma tô piza're upsõzém ne hã 'mai'â, uwa 'rãi wa'u isé na te te tãma ãma di'i da, Zezusihi ma, iwa'âbâ suru na. Tawamhã wedewaré 'rãsutu na ma tô ãma sapu'u, Zezusihi ma, te te wẽ da, te te upsõmri da. Taha pari, te ãne dama tinha: — A'â pé wanhimipari za'ra wa'aba, Eliasi we sô morĩ õ'umnhasite, wedepo'o nhonhi'rãmi hawi, te te si'ra da.

Luca 23:11

Tawamhã Erodi norĩ hã ma tô Zezusihi ãma tiwa'ẽ za'ra, taré. Tinhib'a'uwẽ norĩ me, ma ãma tiwa'ẽ za'ra, da'wapéi'wa norĩ me. Ma tô ãma tito za'ra. Dasi'ubuzém na ma tô siwi ãma hâiba ubu, iwẽ na. Tawamhã Erodi hã te oto dama ti'ru, apâ da te dasiwi saprõni da, Pilatuhu u. Tahawa, te apâ siwi saprõ.