Luca 23:32 - ꞌRe Ihâimana Uꞌâsi Mono Zadawa Wasuꞌu

³² Zezusihi me, te aibâ norĩ hã dasiwi saprõni zahuré ni, isiré dâ'â zahuré da, ta norĩ hã. Rowasété 'manharĩ'wa zahuré, aibâ norĩ hã.

Luca 23:32 ပူးပေါင်းရင်းမြစ်များ

Mateu 27:38

Zezusihi me ma tô aibâ norĩ hã dasiwi sasõmri zahuré ni, isiré dâ'â zahuré da. Danhibrob zô dapãrĩ'wa, aibâ norĩ hã. Te ãma aiwa'aba zahuré isimire niwĩ, duré isimi'e niwĩmhã.

Marcu 15:27

Zezusihi siré, ma tô duré aibâ norĩ hã sasõmri zahuré ni, danhibrob zô dapãrĩ'wa norĩ hã. Zezusihi ãma te aiwa'aba zahuré isimire niwĩmhã, duré isimi'e niwĩmhã.

Luca 22:37

E marĩ wa, wa ãne aima 'ru za'ra wa'wa. Ĩwasété newa, te za rowasété 'manharĩ'wa norĩ zu ĩma rob'manharĩ za'ra ni. Ãne, duréihã ma tô romhâ ré ĩ'ãma rob'ui'éré siromo za'ra ibaihâ na, 'Re ihâimana u'âsi mono zadawa 'mahârâ'wa norĩ hã. Tahawa, te za ĩ'ãma rob'ui'éré zarina, tô ĩ'ãma uwaimrami za'ra ni.

Luca 23:31

E marĩ da, wa tô romhâ ré aima rowa'õtõ za'ra wa'wa. Ãhã na, mi wapti'i ré, te za oto rowasédé hã ĩma 'manharĩ za'ra ni. Mi hã 'ré wamhã, e niha za bété. Dama 're rowasété uptabi za'ra mono di za.

2 Timotiu 2:9

Tawamhã Wanhib'apito wasu'uwẽ na te dama 're rowasu'u mono 'ru te, wa oto te 're robzépata. Ĩwasédé hã te 're 'manharĩ mono newa, wa oto 're ĩza, dazazéb 're, isi'uwazi nhorõ rutu na ĩpawasisi ré. Tane nherẽ, 'Re ihâimana u'âsi mono zadawa wasu'u hã pawasisi ãna ne, te 're hâimana u'âsi. Te za da te dama ãma 're rowasu'u u'âsi za'ra.

Hebreu 12:2

Dawara na 're dasipibu za'ra mono wa, dawara, da te 're i'rãsutu za'ra mono zéb u si, da te 're i'madâ'â za'ra mono ne, wa za Zezusihi ãma si wa te wasina 're rosa'rata u'âsi za'ra. Ta hã Zezusi hã ma tô isãna'rata hawimhã te te 're wa'apawapto, 'Re ihâimana u'âsi mono si wa te wasina 're umnhasi u'âsi za'ra mono da. Tane te za duré te te 're wa'apawaptob u'âsi, 're iwadâ'â za'ra mono zéb u, õhõ si wa te wasina 're umnhasi u'âsi za'ra mono da, tiwi 're wasipizari za'ra mono ãna. Ta hã Cristu hã sihâiba zawi õ di, wedepo'o nhonhi'rãmi na dazada dâ'â tõ da hã, wedepo'o nhonhi'rãmi hã dazada 're ihâimana wasété za'ra mono norĩ pãrĩzép si nherẽ. Taha wa'rãmi, hâiwa ãma to sina 're ihâimana u'âsi mono zé hã za tãma 're ihâimana mono na, te te sina waihu'u siromo wa, tahawa, sihâiba zawi õ di tô, wedepo'o nhonhi'rãmi na dazada dâ'â tõ da hã. Ãhã na hã 'Re ihâimana u'âsi mono nhimire niwĩ, te oto pire uptabi na 're sãmra, isiré 'râwi te te 're da'ab'madâ'â u'âsi mono da oto.