Luca 23:22 - ꞌRe Ihâimana Uꞌâsi Mono Zadawa Wasuꞌu

²² Tawamhã te Pilatu hã duré dama tinha, ãne: — E marĩ te te 're ab'manharĩ wasété mono bâ. Iwasété zô, te sadanharĩ wamhã, marĩ hã ãma hâimana õ di. E niha wa za bété taré dama ti'ru, da te dasiwi wĩrĩ da. Mare di. Taré wa za ti'ru, da te dasiwi 're pré'é mono da. Taha parip si, te za mo, ĩzadawa para. — Si'ubdatõ oto imreme hã ihâiba na hã.

Luca 23:22 ပူးပေါင်းရင်းမြစ်များ

Luca 23:14

Itẽme sihutu wamhã, te tãma nharĩ za'ra, ãne: — We ĩtẽme asiwi ãwisi aba wi hã, ma tô ãne ĩma iwasu'u za'ra wa'wa: “Ãhã nhimirowasu'u zarina, te oto ro'wa'rutu na 're dahâimana za'ra.” Ãne ma tô ĩma iwasu'u za'ra wa'wa. Tahawa, wa tô asõ'a za'ra wa'aba, sadanharĩ pese aré, iwasété zô, iwasédé hã ãma sa'ra za'ra wa'aba wa. Tazahã, marĩ hã ãma hâimana õ di, iwasédé hã.

Luca 23:16

Taré wa za da'wapéi'wa norĩ ma 'ru za'ra, te te siwi 're pré'é mono da. Taha parimhã, wa za satõ, apâ morĩ da.

Luca 23:20

Pilatu hã ma tô sima wẽ, Zezusi hã apâ te te satõrĩ da. Tahawa, te ãne duré dama tinha.

Luca 23:21

Tane nherẽ, damreme 'rãihâ na te nasi 'mahârâ za'ra ni, ãne: — Wedepo'o nhonhi'rãmi na, da te dasiwi sasõmri, dâ'â da.

Luca 23:23

Tane nherẽ, te aihĩni norĩ hã ãma sé za'ra, mreme 'rãihâ na, ãne: — Wedepo'o nhonhi'rãmi na sa'o, dâ'â da. Tahawa, Pilatu ma tô oto dawapa.

Luca 23:4

Tawamhã Pilatu te dama tinha, ãne: — Iwasété na te waihu'u õ di, wasété wa, te iwẽ'õzéb da hã. — Ãne te sasedoti ipire norĩ ma nharĩ za'ra, 'Re ihâimana u'âsi mono ma da'ãma romhuri'wa ipire norĩ me, uburé dama zama.

1 Pedru 1:19

Dazada idâ'âzém na si ma tô aiwa'âbâ za'ra wa'wa, iwapru hã tiwi ipu'uzém na. Ta hã te 're mo, pone'ẽrebâ iwẽ uptabi ne, da te dasiwi iwĩrĩ da hã, dawasété wa, dawa'âbâzéb da. Cristu hã wẽ uptabi na 're ihâimana mono hã ma tô tidâ'âzém na aiwasédé hã wa'âbâ za'ra wa'wa. Ta hã te te iwawa'âbâ za'ra zé hã wẽ uptabi di.

1 Pedru 3:18

Misi haré ma tô Cristu hã dazada dârâ, 're idahâimana wasété za'ra mono hawi, te te 're da'anho'reptui mono da. 'Re imorĩ wẽ uptabi hã ma tô dârâ, 're idanomro wasété mono norĩ da, te te 're wa'anhimroi mono da, 'Re ihâimana u'âsi mono u. Cristu hã dâ'â uptabi nherẽ, ma tô Imama hã hâiwa'utu, apâ 're hâimana u'âsi mono da.