Luca 23:20 - ꞌRe Ihâimana Uꞌâsi Mono Zadawa Wasuꞌu

²⁰ Pilatu hã ma tô sima wẽ, Zezusi hã apâ te te satõrĩ da. Tahawa, te ãne duré dama tinha.

Luca 23:20 ပူးပေါင်းရင်းမြစ်များ

Mateu 27:19

Tawamhã Pilatu hã te te 're ida'awaihu'u mono zéb da, roti ma, 're isimasisi mono zéb ãma sãmra ré, ma tô imro hã timreme hã tãma tisõ. Ãne ma te ihâiba na hã tãma waihu'u: — Ma'ãpé ãma rosazâri, aibâ ãma. Ta hã tiha te te 're ab'manharĩ mono õ di. Bara na hã ĩnhotõ 'rowi te isawẽrẽzém na hã wa tô ãma robzépata za'ẽtẽ, taha na hã. Ãma ĩpẽ'ẽzé uptabi di. Tahawa, te za ãma irosazâ.

Marcu 15:15

Tawamhã Pilatu hã dama rowẽ za'ra da, ma tô da'wapéi'wa norĩ ma 'ru za'ra, Barabasihi ma si te te tãma rob'ru za'ra da, dazazém hawi watobro da, apâ 're morĩ da sõ'awi. Taha pari, te Zezusi tãma 'ru za'ra, da'wapéi'wa norĩ ma, powawẽ hâi waré na te te siwi 're pré'é mono da, taha pari, te te duré siwi sasõmri da, wedepo'o nhonhi'rãmi na dâ'â da oto.

Luca 23:19

Barabasi hã dazazéb 're, te dame 're sa. Isimiroti zarina, ma tô dasi'wapé hã watobro, romanu norĩ zada, Zeruzalẽ ãma. Ma tô duré da'maiwĩ, Barabasi hã. Tahawa, ma tô dasiwi sẽrẽ ni, dazazéb 're, sab da.

Luca 23:21

Tane nherẽ, damreme 'rãihâ na te nasi 'mahârâ za'ra ni, ãne: — Wedepo'o nhonhi'rãmi na, da te dasiwi sasõmri, dâ'â da.

Zuwã 19:12

Tawamhã Zezusihi mreme te te sina waihu'u wa, ma tô sima wẽ, Zezusi te te satõrĩ da, apâ dawi morĩ da. Tane nherẽ, hârâ 'rãihâ na te nasi imreme wa'rãmi 'mahârâ za'ra, dama ipire norĩ hã, ãne: — Õ hã danhib'apito na ma tô 're siwasu'u. Ni'wa hã danhib'apito na 're siwasu'u mono wamhã, apito Séza hã danhib'apito na te te da'ãma waihu'u õ di za. Apâ morĩ da, tãma rob'rui wamhã, apito Séza hã aima toi õ di za.