Luca 23:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Pilatu te sitẽme dazô hâ, sasedoti ipire norĩ zô, 'Re ihâimana u'âsi mono ma, da'ãma romhuri'wa ipire norĩ zô. Duré roti'wa norĩ zô, te tihârâ za'ra, isib'a'uwẽ norĩ me, te te itẽme ubumro da.

Luca 23:13 ပူးပေါင်းရင်းမြစ်များ

Marcu 15:14

— E marĩ te te 're ab'manharĩ wasété mono bâ. — Ãne te ãma da'ab'mahâ, duré Pilatu hã. Tane nherẽ, dahârâ 'rãihâ na te nasi ãma 'mahârâ za'ra ni, Pilatu hã: — Wedepo'o nhonhi'rãmi na, da te dasiwi sasõmri, dâ'â da.

Luca 23:35

Zezusi norĩ hã simnhatã ré, te zudeu norĩ hã i'rata asimro, te te 'madâ'â za'ra da. Tahawa, te roti'wa norĩ hã sima nharĩ za'ra, ãne: — Ma tô te te 're da'anho'reptu aré. Tô sena Danho'reptui'wa da, 'Re ihâimana u'âsi mono te te pisutu wamhã, ma'ãpé sisõ'reptu.

Luca 24:20

Tane nherẽ, wa'madâ'â'wa norĩ sasedoti ipire norĩ hã ma tô danhib'apito u siwi saprõ. Roti'wa norĩ dama ipire norĩ me, ma tô itẽme siwi saprõ, te te dama 'ru za'ra da, da te dasiwi wĩrĩ da. Tahawa, ma tô isimiwada'uri zarina, dasiwi sasõmri ni, wedepo'o nhonhi'rãmi na dâ'â da.

Zuwã 12:42

Tawamhã da'ahâ na Zezusi, da te saze za'ra õ nherẽ, ma tô ni'wam norĩ hã saze za'ra, dama ipire norĩ hã, ahâ na. Tane nherẽ, te te saze za'ra nherẽ, isazei'wa na sõ'awi dama 're siwasu'u za'ra mono õ di, farizeu norĩ mreme pipa te. Zudeu norĩ te, rowahutuzéb u dame 're sisisi tõ mono da, te te tiwi 're rosawi za'ra mono õ'umnhasite, te ari'iwi 're si'ubumroi u'âsi.

Zuwã 18:38

Pilatu te duré asa tãma tinha, ãne: — E ma hã, roti tô sena uptabi hã. Tawamhã Pilatu hã apâ ma datẽme watobro, rob u. Ãne te dama tinha: — Wa tô sadanha. Ma tô ĩma siwasu'u. Marĩ hã te te 're ab'manharĩ wasété mono õ di.

Zuwã 19:4

Tawamhã Pilatu, ma apâ datẽme watobro. Ãne te dama tinha: — Ãhãta wa we atẽme saprõni za'ra wa'wa. Wa tô sadanha. Ma tô ĩma siwasu'u. Marĩ hã te te 're ab'manharĩ wasété mono õ di. Ãne hã waihu'u za'ra wa'aba da, wa tô we atẽme saprõni za'ra wa'wa. Tawamhã Zezusi ma itẽme watobro, 'wabzéré na sõpre ré. Zazahâ pré na ubu ré zama ma itẽme watobro. Tahawa, te Pilatu hã dama 'mahâ, ãne: — Õhõta aibâ hã. 'Madâ'â za'ra wa'aba.

Zuwã 3:1

Aibâ hã te 're hâimana farizeu, Nicodemosi na isisi hã. Ta hã roti'wa, wasiré zudeu. Farizeu na, wa tô wa te 're sisi za'ra, wahi'rata norĩ nhimiroti, farizeu norĩ siré te te 're 'madâ'â pese mono wa.

Zuwã 7:26

Ma'ãpé 'madâ'â za'ra wa'aba. Dabâ sõ'awi te te dama 're rowasu'u mono nherẽ, da te tãma nharĩ waihu'u õ di, rowahutu na te te sazâri da hã. E tawamhã Danho'reptui'wa na ma tô siwi waihu'u, wama ipire norĩ hã. Ãté te te siwi waihu'u õ di.

Zuwã 7:48

E Danho'reptui'wa na hã ma tô dame siwi 'mazaze dama ipire hã, duré farizeu norĩ hã. Mare di. Ni'wa te te ãma sazei õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:27

Zeruzalẽ ãma 're isi'ubumroi mono hã, duré tame dama ipire norĩ zama, Zezusi hã Danho'reptui'wa na te te waihu'u za'ra õ di. Sabadu sidâpâsi, 'Re ihâimana u'âsi mono zadawa 'mahârâ 'rata 'wa norĩ nhimi'ui'éré hã da te dasima 're sõré za'ra mono nherẽ, iwasu'u hã te te waihu'u za'ra õ di, ta norĩ hã. Tahawa, Zezusi hã dâ'â da, te te siwi ãma roti wamhã, te te waihu'u za'ra ãna, ma tô 'Re ihâimana u'âsi mono zadawa 'mahârâ 'rata 'wa norĩ nhimirowasu'u hã siwi ãma uwaimra, si'uihâ na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:17

— Wasiré Izaraéu nhihudu norĩ, ĩwapari pese za'ra wa'aba za. Wa hã wa tô aiwaihu'u za'ra wa'wa. Asiwi waihu'u aba ãna, ma tô dama i'ru za'ra wa'wa, Zezusi hã. Aima ipire za'ra wa'aba norĩ zama te te siwi waihu'u ãna, ma tô ta norĩ zama dama 'ru za'ra, Zezusi hã da te dasiwi wĩrĩ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:5

Tawamhã ma tô da'ãma ti'awẽ za'ra. Da'ãma awẽ za'ra wamhã, ma tô si'rã'õtõ, Zeruzalẽ ãma sasedoti ipire norĩ hã. Zudeu norĩ ma, roti'wa norĩ hã ma tô ime si'rã'õtõ, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ me zama.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:8

Tawamhã 'Re ihâimana u'âsi mono pẽ'ẽzani na ma tô Pedru hã aptete, dama pahi tõ da, duré te te tô dama rowasu'u da. Tahawa, te ãne tãma rowasu'u za'ra, dama ipire norĩ ma hã: — Dama ipire norĩ, ãne te iwazadanharĩ za'ra wa'wa: “E niha, ma tô bété ãne hã i'manharĩ 'wa. E 'wa sadawa para, ma tô bété a norĩ wa'wa hã ihi'ré hã ipese 'wa.” Ãne ma tô iwazadanharĩ za'ra wa'wa. Tahawa, wa za aima rowasu'u za'ra wa'wa.