Luca 22:52 - ꞌRe Ihâimana Uꞌâsi Mono Zadawa Wasuꞌu

⁵² Zezusihi zô isihudu hã ta norĩ hã sasedoti ipire norĩ, duré 'Re ihâimana u'âsi mono nhorõwa 'madâ'â'wa norĩ, ipire norĩ, duré zudeu norĩ ma roti'wa norĩ. Tahawa, ma tô Zezusi hã tãma nharĩ za'ra, ãne: — E wa hã danhibrob zô dapãrĩ'wa pâ, ma bété we ĩzô aihutu 'wa, sib'ézé 'wapa ré, duré asiwãi ré zama.

Luca 22:52 ပူးပေါင်းရင်းမြစ်များ

Mateu 26:47

Tawamhã Zezusi hã zahadu te te rowasu'u ré, ma we Zuda hã sô wi, aré Zezusihi siré 're inomro mono norĩ me 're imorĩ, 12 na ihâiba za'ra siré hã. Da'ahâ na te duré we isiré ai'aba'ré ni, sib'ézé 'wa pa ré, duré uibroi ré zama. Sasedoti ipire norĩ zadawa para te we ai'aba'ré, zudeu norĩ ma roti'wa norĩ zadawa para zama.

Mateu 26:55

Tawamhã Zezusi hã te oto dama rowasu'u, ãne: — E wa hã danhibrob zô dapãrĩ'wa pâ, ma te bété we ĩzô aihutu 'wa, sib'ézé 'wapa ré, duré uibroi ré zama. Bâtâ sidâpâsi wa tô asõ'a za'ra wa'aba 're ĩsimasisi, 'Re ihâimana u'âsi mono nhorõwa ãma 'ri 'wawi wa'ra 're, te dama 're rowahutu mono da. Oro zapre bété, tameb ré asiwi ĩ'âri aba õ di.

Luca 22:37

E marĩ wa, wa ãne aima 'ru za'ra wa'wa. Ĩwasété newa, te za rowasété 'manharĩ'wa norĩ zu ĩma rob'manharĩ za'ra ni. Ãne, duréihã ma tô romhâ ré ĩ'ãma rob'ui'éré siromo za'ra ibaihâ na, 'Re ihâimana u'âsi mono zadawa 'mahârâ'wa norĩ hã. Tahawa, te za ĩ'ãma rob'ui'éré zarina, tô ĩ'ãma uwaimrami za'ra ni.

Luca 22:4

Tawamhã te oto mo, sasedoti ipire norĩ u. Duré, 'Re ihâimana u'âsi mono nhorõwa 'ri 'madâ'â'wa norĩ u, te mo, ipire norĩ u, Zezusihi ãma te te sadawa pibu za'ra da, te te dama hâiba nhomri da.

Luca 22:51

Tawamhã ma tô Zezusi hã tãma tinha, ãne: — Tô'ã. Tane hã 'manharĩ tõ. Tawamhã ma tô po're upi, tinhib'rata na. Tahawa, ma tô tipo're wẽ apâ.

Luca 22:53

Bâtâ sidâpâsi, wa tô asõ'a wa'aba nasi aimasisi, 'Re ihâimana u'âsi mono nhorõwa 'ri ãma. E niha bâ tameb ré, asiwi ĩ'âri aba õ di bété. Ãhã na ma tô bâdâ hã iwa waptãrã, asiwi ĩ'âri aba zéb da hã, robra tede'wa hã pire na 're imorĩzéb da hã.

Zuwã 17:12

I'rata 're ĩnhamra za'ra mono ré, wa tô uburé te 're 'madâ'â pese za'ra, aiwaihu'u pese zarina, ĩwi 're si'utõrĩ za'ra mono tõ da, duré ĩnhib'a'uwẽ u'âsi 're nomro mono da. Misire ma tô simini. Ĩnhib'a'uwẽ uptabi hã 're morĩ õ wa, ma tô asimiroti hã tirẽ. Duréihã poto õ ré, ma tô õhõ ãma ibaihâ na rob'ui'éré siro, wahi'rada hã. Ãhã na ma tô oto sina uwaimra, õ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:26

Tawamhã 'Re ihâimana u'âsi mono nhorõwa 'ri 'madâ'â'wa norĩ hã ma tô sô ai'aba'ré tinhib'apito norĩ me, apâ te te simroi mono da. Isimroi mono 'wa norĩ hã ẽtẽ na da te hâ za'ra mono õ'umnhasite, ma tô pawasisi ãna te te simro.