Luca 22:51 - ꞌRe Ihâimana Uꞌâsi Mono Zadawa Wasuꞌu

⁵¹ Tawamhã ma tô Zezusi hã tãma tinha, ãne: — Tô'ã. Tane hã 'manharĩ tõ. Tawamhã ma tô po're upi, tinhib'rata na. Tahawa, ma tô tipo're wẽ apâ.

Luca 22:51 ပူးပေါင်းရင်းမြစ်များ

Luca 22:50

Tahawa, Zezusihi siré hã ma te ni'wa hã misi da'mai'u'a, sib'ézé 'wapa na. Ãhã wamhã, sasedoti ipire uptabi ma romhuri'wa hã ma te po're nhizâri pese ni, ipo're nhimire niwĩ.

Luca 22:52

Zezusihi zô isihudu hã ta norĩ hã sasedoti ipire norĩ, duré 'Re ihâimana u'âsi mono nhorõwa 'madâ'â'wa norĩ, ipire norĩ, duré zudeu norĩ ma roti'wa norĩ. Tahawa, ma tô Zezusi hã tãma nharĩ za'ra, ãne: — E wa hã danhibrob zô dapãrĩ'wa pâ, ma bété we ĩzô aihutu 'wa, sib'ézé 'wapa ré, duré asiwãi ré zama.

Zuwã 17:12

I'rata 're ĩnhamra za'ra mono ré, wa tô uburé te 're 'madâ'â pese za'ra, aiwaihu'u pese zarina, ĩwi 're si'utõrĩ za'ra mono tõ da, duré ĩnhib'a'uwẽ u'âsi 're nomro mono da. Misire ma tô simini. Ĩnhib'a'uwẽ uptabi hã 're morĩ õ wa, ma tô asimiroti hã tirẽ. Duréihã poto õ ré, ma tô õhõ ãma ibaihâ na rob'ui'éré siro, wahi'rada hã. Ãhã na ma tô oto sina uwaimra, õ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:28

Tahawa, te Paulu hã hârâ 'rãihâ na 'mahâ, ãne: — Tô'ã. Asiwĩrĩ tõ. Ãhãta wa aihĩni aimasam ni.

Roma 12:21

Ãhã wasu'u na, wa za oto ĩnhimirowasu'u na hã aima 'rãsutu za'ra wa'wa. 'Râwi dasi'uihâ na 're idasi'ruiwa'âbâ za'ra mono zém na hã da'ãma 're sasõmri za'ra wa'aba mono õ di za. Marĩ iwẽ si te za dama 're i'manharĩ wẽ u'âsi za'ra wa'aba mo, taha na dahâimana wasédé hã dawi 're uprosi za'ra wa'aba mono da, duré taha zarina, tô sena oto ai'ãma 're dasiwadi za'ra wa'aba mono da.

2 Corĩtu 10:1

Ni'wam norĩ hã asiré wa'aba, 're ihâimana za'ra mono norĩ hã te ãne te te sima 're ĩbâsi za'ra: “Paulu hã wa'rata sãmra ré hã, waimri na ihâimana, duré wama za'ra hã isasi õ. Wanhiti romhâ na 're hâimana mono wapsi, te mreme pahi ãna te te wama 're anharĩ, tinhimi'ui'éré na si.” E ãne hã ĩma 're hâimana mono bâ. Mare di. Wa hã Paulu, wa za oto aima ãma roti za'ra wa'wa. Ĩwapari pese za'ra wa'aba za. Cristuhu nhisi na, wa za ãma aima roti za'ra wa'wa ãhã na hã, ta hã simizawi pese wa, duré atãma na 're hâimana u'âsi mono wa. Marĩ da, 're sisapẽtẽ waihu'u mono õ di, ta hã.