Luca 22:50 - ꞌRe Ihâimana Uꞌâsi Mono Zadawa Wasuꞌu

⁵⁰ Tahawa, Zezusihi siré hã ma te ni'wa hã misi da'mai'u'a, sib'ézé 'wapa na. Ãhã wamhã, sasedoti ipire uptabi ma romhuri'wa hã ma te po're nhizâri pese ni, ipo're nhimire niwĩ.

Luca 22:50 ပူးပေါင်းရင်းမြစ်များ

Marcu 14:47

Tawamhã Zezusihi siré isa hã, ma tô sib'ézé 'wapa hã waze. Te te wazere wi, ma romhuri'wa hã ãma po're nhizâ, sasedoti ipire uptabi ma romhuri'wa hã.

Luca 22:49

Tawamhã isiré 're inomro mono norĩ hã ma tô oto waihu'u za'ra, da te oto dasiwi i'âri da na hã. Tahawa, te siwi sadanha, ãne: — Wanhib'apito, e wa te da'wapé za'ra õ di za, wanhi'wa na, sib'ézé 'wapa na.

Luca 22:51

Tawamhã ma tô Zezusi hã tãma tinha, ãne: — Tô'ã. Tane hã 'manharĩ tõ. Tawamhã ma tô po're upi, tinhib'rata na. Tahawa, ma tô tipo're wẽ apâ.

Roma 12:19

Ĩsisãnawã ĩma asawi pese aba norĩ, da te aima 're rob'manharĩ wasété za'ra wa'aba mono wamhã, 'Re ihâimana u'âsi mono upana asi'uihâ na 'râwi 're asi'ruiwa'âbâ za'ra wa'aba mono õ di za. Taha si, tinhimihâzém na te te 're ai'ruiwa'âbâ za'ra wa'aba mono da, te za õhõ si 're i'madâ'â za'ra wa'aba mo. Duréihã ãne na ma tô Wanhib'apito mreme na rob'ui'éré, Mozési hã: “Wa hã ĩsiwaprosi, wa za te 're da'a'ruiwa'âbâ. Ĩwétési, wa za te dama ãma 're awa'rãmi, marĩ, da te 're i'manharĩ wasété za'ra mono zém na hã.”

2 Corĩtu 10:4

Ti'ai ãma 're idasi'wapé za'ra mono zém na danhimnhi'ãsi na, wa te 're a'wapéi mono õ di duré. 'Re ihâimana u'âsi mono nhimnhi'ãsi na si, wa tô wa te 're a'wapéi u'âsi, iwaihu'u pese zarina. Isitob'ru norĩ nhiptetezé hã wa te tiwi ãma 're i'a'uprosi mono zéb da hã, wa ãhã na si wa te 're a'wapéi u'âsi, ta norĩ hã, 'Re ihâimana u'âsi mono nhimnhi'ãsi na si.