Luca 22:39 - ꞌRe Ihâimana Uꞌâsi Mono Zadawa Wasuꞌu

³⁹ Tawamhã Zezusi hã ma oto rob u watobro, ẽtẽ 'rãihâ u morĩ da, Oriwera u. Tamomo 're ine mono zéb u te duré mo, Oriwera u. Isiré 're inomro mono norĩ hã te ime ai'aba'ré.

Luca 22:39 ပူးပေါင်းရင်းမြစ်များ

Mateu 21:1

Tawamhã Zezusihi siré 're inomro mono norĩ hã ma tô oto isiré ai'aba'ré, Zeruzalẽ u. Si'aba'réi wamhã, ma tô oto rob'umhutu za'ra, Befazé na 'ri wa'õtõ nhisi u hã. Oriwera na ẽtẽ 'rãihâ nhisi ãma te 'ri wa'õno hã 're hâimana. Te te oto rob'umhutu za'ra wamhã, ma tô Zezusi hã tisiré 're inomro mono norĩ hã maparane ihâiba na sisõwamhã satõrĩ zahuré, 'ri wa'õtõ u.

Mateu 26:30

Tawamhã tinho're na ma tô ãma tiwata za'ra, 'Re ihâimana u'âsi mono ãma. Sõ're za'ra parimhã, ma tô duré oto wairé, Oriwera na ẽtẽ 'rãihâ nhisi u si'aba'ré da.

Marcu 11:11

Tawamhã Zeruzalẽ u oto wisi wamhã, 'Re ihâimana u'âsi mono nhorõwa 'ri u, ma ãzé Zezusi hã, te te robzabu da. Tame tiwi hâiwahâ wa, te oto mo, Betãnha na 'ri wa'õtõ nhisi u, tisiré norĩ me, aibâ 12 na ihâiba za'ra norĩ me.

Marcu 11:19

Tawamhã bâdâ sébré wi, te Zezusi norĩ hã Zeruzalẽ hawi apâ ai'aba'ré, Betãnha na daza'ru nhisi u.

Marcu 13:3

Tawamhã Zezusi hã te oto nhamra, Oriwera na ẽtẽ 'rãihâ nhisi ãma, tisiré 're inomro mono norĩ me. Sisõ're u, te 'ri 'madâ, 'Re ihâimana u'âsi mono nhorõwa hã. Te te 'madâ'â ré, te siwi sadanha, hâiba pisutu Pedru norĩ hã, Tiagu, Zuwã, Ãdré:

Marcu 14:26

Tawamhã Zezusi norĩ hã tinho're na te oto ãma tiwata za'ra, 'Re ihâimana u'âsi mono ãma. Taha pari, ma tô wairé, Oriwera na ẽtẽ 'rãihâ nhisi u si'aba'ré da.

Luca 21:37

Tawamhã Zezusi hã bâtâ sidâpâsi, te nasi dama rowasu'u, 'ri 'wawi wa'ra 're, 'Re ihâimana u'âsi mono nhorõwa 'ri ãma. Bara na hã te nasi ne, Oriwera na ẽtẽ 'rãihâ nhisi u. Tame ma tô nasi ãma ti'awẽ.