Luca 22:38 - ꞌRe Ihâimana Uꞌâsi Mono Zadawa Wasuꞌu

³⁸ Tawamhã ãne te asa tãma nharĩ za'ra, isiré 're inomro mono norĩ hã: — Wanhib'apito, ãhãta sib'ézé 'wapa maparane. — Tô'ã, ãma rob'é'é. — Ãne te asa tãma nharĩ za'ra, Zezusi hã.

Luca 22:38 ပူးပေါင်းရင်းမြစ်များ

Mateu 26:51

Tawamhã Zezusihi siré 're imorĩ hã i'rata isa hã ma tô sib'ézé 'wapa waze. Te te wazere wi, ma romhuri'wa hã ãma po're nhizâ, sasedoti ipire uptabi ma, romhuri'wa hã.

Luca 22:36

Tahawa, te Zezusi hã tãma nharĩ za'ra, ãne: — Rob'uiprazém nhemezé, ate wamhã, te za oto i'â, duré tô ro'wapézé hã, ate wamhã. Duré sib'ézé 'wapa õ wamhã, te za asi'upsibizé dama iwe, iwa'âbâ na sib'ézé 'wapa, asima uipra da.

Luca 22:49

Tawamhã isiré 're inomro mono norĩ hã ma tô oto waihu'u za'ra, da te oto dasiwi i'âri da na hã. Tahawa, te siwi sadanha, ãne: — Wanhib'apito, e wa te da'wapé za'ra õ di za, wanhi'wa na, sib'ézé 'wapa na.

Zuwã 18:36

Tawamhã ma tô Zezusi hã asa tãma siwasu'u, ãne: — Wa hã ti'ai ãma danhib'apito na 're ĩhâimana mono õ di. Danhib'apito na 're ĩhâimana mono 'wa'âhã, wa aré ĩnhib'a'uwẽ norĩ hã wada'uri za'ra, te te da'wapé za'ra da, da te dasiwi ĩhâiba nhomri tõ da, dama ipire norĩ u. Wa hã ti'ai ãma danhib'apito na 're ĩhâimana mono õ di.

1 Tesalonita 5:8

Tazahã, wa norĩ hã Wanhib'apito apâ we imorĩzéb zô, 're wanhimipari za'ra mono wa, wanhimi'ẽ na sô 're wanhopré mono sina, wa za 're wahâimana za'ra. Tawamhã wa za wasi'upari za'ra ni za, wanhitob'rui wi, Wanhib'apito wa te 're isaze za'ra mono zém na, duré 're iwanhimizawi pese za'ra mono zém na, duré Zezusi te te 're iwanho'reptu za'ra mono zéb zô, 're iwanhimipari za'ra mono zém na. Da'wapéi'wa norĩ hã, tinho'utu'u ihâtete na te 're si'uza za'ra. Te duré ti'rãzaza ihâ tete na 're si'rãzaza za'ra, tinhitob'rui wi, da te 'manhiptâ'â tõ da. Ãne na wa norĩ hã, Wanhib'apito wa te 're isaze za'ra mono zém na, duré 're wanhimizawi pese za'ra mono zém na, wa za 're wahâimana za'ra, wapẽ'ẽ wẽ te te wawi wasété tõ da, wanhitob'ru hã. Duré Zezusi te te 're iwanho'reptu za'ra mono zéb zô, 're iwanhimipari za'ra mono zém na, wa za 're wahâimana za'ra, wanhimirosa'rata na te te wawi 're ro'wa'rutu tõ za'ra mono da.

1 Pedru 5:9

Asiré Wanhib'apito zazei'wa norĩ hã daro mono bâ 're hâimana za'ra mono 'ru te, da te tãma 're irob'manharĩ za'ra mono zém na, te a'â te te 're robzépata za'ra, asine za'ra wa'aba. Ã norĩ wasu'u hã ma tô iwaihu'u za'ra wa'wa. Tahawa, Wanhib'apito umnhasi sina te za 're aihâimana za'ra wa'aba mo, da'rui'wai wi asina 're asiptete u'âsi za'ra wa'aba mono sina.