Luca 22:36 - ꞌRe Ihâimana Uꞌâsi Mono Zadawa Wasuꞌu

³⁶ Tahawa, te Zezusi hã tãma nharĩ za'ra, ãne: — Rob'uiprazém nhemezé, ate wamhã, te za oto i'â, duré tô ro'wapézé hã, ate wamhã. Duré sib'ézé 'wapa õ wamhã, te za asi'upsibizé dama iwe, iwa'âbâ na sib'ézé 'wapa, asima uipra da.

Luca 22:36 ပူးပေါင်းရင်းမြစ်များ

Mateu 10:10

Dama romhuri'wai ma, te za dasa hã da te tãma 're sõmri za'ra, tiwi sô robaba wa. Tahawa, nimomo 're anomro aba mono wamhã, romramizé hã asiré 're 'wasari aba mono õ di za. Ai'uza misire ré si te za duré 're anomro aba mo. Aipara'uza misire ré si te za duré 're anomro aba mo. Wedehu hã asiwazusizé hã misire te za duré asiré 're i'wasari aba mo.

Luca 22:35

Tawamhã Zezusi te sadanharĩ za'ra, tisiré 're inomro mono norĩ hã, ãne: — Datẽme te asatõrĩ za'ra wa'aba wamhã, wa tô aré aiwi sawi za'ra wa'wa, marĩ hã asiré 'wasari aba tõ da, rob'uiprazém nhemezé hã, duré ro'wapézé hã, duré aipara'uzazé wa'wa hã. E tawamhã marĩ hã aiwi sô rowaptâ'â aba õ di. — Marĩ zô, wawi rowaptâ'â za'ra õ di. — Ãne te asa tãma nharĩ za'ra.

Luca 22:37

E marĩ wa, wa ãne aima 'ru za'ra wa'wa. Ĩwasété newa, te za rowasété 'manharĩ'wa norĩ zu ĩma rob'manharĩ za'ra ni. Ãne, duréihã ma tô romhâ ré ĩ'ãma rob'ui'éré siromo za'ra ibaihâ na, 'Re ihâimana u'âsi mono zadawa 'mahârâ'wa norĩ hã. Tahawa, te za ĩ'ãma rob'ui'éré zarina, tô ĩ'ãma uwaimrami za'ra ni.

Luca 22:38

Tawamhã ãne te asa tãma nharĩ za'ra, isiré 're inomro mono norĩ hã: — Wanhib'apito, ãhãta sib'ézé 'wapa maparane. — Tô'ã, ãma rob'é'é. — Ãne te asa tãma nharĩ za'ra, Zezusi hã.

Zuwã 15:20

Asina ĩwapari pese za'ra wa'aba, ãma 're rosa'rata u'âsi za'ra wa'aba mono da, ĩmreme na. Danhib'apito norĩ ma, da te 're i'manharĩ za'ra mono zéb zarina, te za duré tãma iromhuri'wa norĩ ma, da te 're 'manharĩ za'ra. Wa hã Asib'apito za'ra wa'wa hã da te ĩma 're irob'manharĩ wasété za'ra mono ne, te za duré aima za'ra wa'aba, da te 're rob'manharĩ wasété za'ra. Duré ĩnhimiroti hã da te 're 'madâ'â pese za'ra mono wamhã, asimiroti za'ra wa'aba zama te za duré da te 're 'madâ'â pese za'ra.

Zuwã 16:33

Ãne na wa tô aima rowasu'u za'ra wa'wa, ĩ'ãma 're aihâimana za'ra wa'aba mono wa, rowẽ na 're aihâimana za'ra wa'aba mono da. Tane nherẽ, ĩzazei'õ'wa norĩ hã te za tô te te 're ai'ruiwapari u'âsi za'ra wa'wa. Tahawa, te za 're irobzépata za'ra wa'aba mo. Tane nherẽ, te za asiptete sina ĩ'ãma 're anomro aba mo. Wa hã ĩzazei'õ'wa norĩ ma, ĩnhiptete uptabi wa, wa tô ãma ai'uté za'ra.

1 Tesalonita 3:4

Ãne na wa tô iwana aima rowaihu'u siromo za'ra wa'wa, ai'rata wasi'ubumroi wa'aba ré, za da te wama 're irob'manharĩ pipa za'ra mono zém na hã. Ãhã na, tô sena na ma tô asina iwaihu'u za'ra wa'wa, tô wa'ãma 're romhâimana za'ra mono wa.

1 Pedru 4:1

Cristu hã ma tô tihâiba na robzépata. Tahawa, te za asina 're asiptete za'ra wa'aba mo, asihâiba zawi ãna, isine 're irobzépata za'ra wa'aba mono zéb da hã. Ãne, da te 're robzépata za'ra mono wamhã, marĩ, da te 're i'manharĩ wasété za'ra mono zé hã, te za oto da te 're rẽme pese za'ra.