Luca 22:33 - ꞌRe Ihâimana Uꞌâsi Mono Zadawa Wasuꞌu

³³ Tawamhã Pedru hã te asa tãma tinha, ãne: — Apito, wa tô ĩsima wẽ, asiré da te ĩnherẽ da, duré ĩdâ'â da, aime.

Luca 22:33 ပူးပေါင်းရင်းမြစ်များ

Provébiu 28:26

Ni'wa 'râwi 're isi'umnhasi mono hã ta hã isimiza'rese'õ. Tane nherẽ, ni'wa rowaihu iwẽ zarina si 're ihâimana mono hã te za tãma romnhimimnhasi ãna 're hâimana.

Mateu 20:22

Tawamhã Zezusi hã te i'ra norĩ ma oto rowasu'u zahuré, ãne: — E marĩ da, te rosa'rata ãna asina ĩzadanharĩ 'wa. Wa hã wa za robzépata za'ẽtẽ, dawi ĩsisawi ãna. E tawamhã sada asiptete aba di, za te irobzépata za'ẽtẽ ne, irobzépata aba da hã. Tawamhã asa te tãma nharĩ zahuré, Zebedehe 'ra norĩ hã: — Ĩhe. Sada wanhiptete di za, asine wa te irobzépata da hã.

Marcu 14:29

Tawamhã Pedru hã te Zezusihi ma tinha, ãne: — Aihĩni za te te airẽme za'ra nherẽ, wa hã te airẽme õ di za.

Marcu 14:31

Tawamhã mreme tete sina, te asa tãma tinha, Pedru hã, ãne: — Wa hã asiré ĩdâ'â da nherẽ, te dawi ai'udâ õ di za. Tawamhã uburé isiré 're inomro mono norĩ hã ma tô õhõ na si tãma siwasu'u za'ra, za te te dawi i'udâ za'ra õ na hã.

Luca 22:34

Tahawa, te Zezusi hã asa tãma tinha, ãne: — Pedru, ĩwapari pese. Ĩzadawa para õ nherẽ, ã bâtâ na si'a hârâ õ ré, te za si'ubdatõ dawi ĩ'udâ, aima ĩza'rese õ na.

Luca 22:57

Tane nherẽ, ma tô tiwi ai'udâ, ãne: — Mare di. Ĩma sa'rese õ di, ta hã.

Zuwã 13:38

Tawamhã Zezusi, ma tô duré asa hã tãma tinha, ãne: — E tô sena asiwasu'uzé hã. Tô sena wa aima rowasu'u. Ĩzadawa para õ nherẽ, si'a hârâ õ ré, te za si'ubdatõ dawi ĩ'udâ, aima ĩza'rese õ na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:13

Tawamhã asa te wama nharĩ za'ra, ãne: — E niha da, te aiwa'õ za'ra wa'wa. Ma tô ãma ĩwi irobzei'õ za'ra wa'wa. Zeruzalẽ u hã ĩmorĩ da si, wa tô ĩsima rowẽ upta. Zezusi hã, Wanhib'apito na te 're sisi mono wa, ãté te za dasiwi ĩnherẽ ni, dazazéb 're. Ãté, wa za dârâ. Tane nherẽ, ĩma hã wẽ di tô, tamomo ĩmorĩ da hã.