Tawamhã te tãma nharĩ za'ra oto, ãne: — Tô sena, wa aima waihu'u za'ra wa'wa. Aihâimanazém na saprĩ za'ra wa'aba õ wamhã, 'Re ihâimana u'âsi mono hã ai'ãma 're sib'a'uwẽ za'ra wa'aba mono õ di za. Dama iwapu na ai'uté hâimanazém ne 're aihâimana za'ra wa'aba mono wapsi, te za ai'ãma 're sib'a'uwẽ za'ra wa'wa.
Luca 22:32 - ꞌRe Ihâimana Uꞌâsi Mono Zadawa Wasuꞌu32 Sima, tane nherẽ, Ĩmama wi, wa tô te 're rowaptẽrẽ aima, te te 're aipawaptob u'âsi mono da, ĩ'ãma 're aimorĩ u'âsi da. Apâ ĩtẽme aipi'rai wapsi, te za asisãnawã norĩ hã 're ipawaptob za'ra mo, hâimana nhiptete na 're nomro mono da. အခန်းကိုကြည့်ပါ။ |
Luca 22:32
33 ပူးပေါင်းရင်းမြစ်များ
Tawamhã Zezusi te te tãma iwaihu'uzém na ma sina po're puru, Pedru hã. Ãne Zezusi te te tãma iwaihu'u siromo zé hã, isõwa: “Si'a hã hârâ õ ré, si'ubdatõ te za dawi ĩ'udâ, ĩzadawa para õ nherẽ.” Tawamhã ãne na oto imreme na sina po're pu'u wamhã, ma tô watobro rob u, Pedru hã. Tahawa, te oto aiwa'õ, sina pẽ'ẽzé uptabi wa.
Tawamhã si'a hã awa'awi ma tihârâ na sahu. Tawamhã Zezusi te te tãma iwaihu'uzém na, ma oto sina po're puru, Pedru hã. Ãne ma tô Zezusi hã aré tãma waihu'u siro: “Si'a hã tihârâ na te te sahu õ ré, te za si'ubdatõ dawi ĩ'udâ, ĩzadawa para õ nherẽ.” Tawamhã Zezusihi mreme na sina po're pu'u wa, te oto aiwa'õ, Pedru hã.
Duré amnho hã ẽtẽ nhisiwi irere'e mono hã, aimawi a'uwẽ, te wasu'u. Ta norĩ hã ãté te za 'Re ihâimana u'âsi mono zadawa wasu'u hã te te 're wapari za'ra, tipo're na. Tawamhã te za iwasu'u ma 're to za'ra. Tazahã, õne haré te te 're saze za'ra mono õ di za. Ãté, te za te te 're saze hutu za'ra. Ãté rowasédé hã da te tãma 're 'manharĩ za'ra mono õ'umnhasite, te za apâ 're sipizari za'ra.
Suru na, wa za oto ai'rata ĩnhamra 'wa, irẽme ma. Taha ré hã te za duré a'â dasiwi ĩ'madâ'â ni. Taha parip si, da te dasiwi ĩzabu na sahu õ di za oto. A norĩ wa'aba si, te za duré ĩzabu za'ra wa'wa. Ĩdâ'â nherẽ, ab're hawi ĩhâiwa'utu wa, wa za oto ĩdâ'â ãna 're morĩ u'â. Tahawa, te za duré a norĩ wa'wa hã atâ'â ãna 're asimroi u'âsi aba mo, hâiwa ãma.
Tahawa, te za aiwasédé hã 're irẽme za'ra wa'aba mo, 'Re ihâimana u'âsi mono u 're aipizari za'ra wa'aba mono da, aiwasédé hã te te aima 're pari za'ra wa'aba mono da. Tawamhã 'Re ihâimana u'âsi mono, te za te te 're aipawaptob za'ra wa'wa, aipẽ'ẽ 're, asiptete u'âsi ãma 're anomro aba mono da. Zezusi hã te za we apâ satõ, Danho'reptui'wa da, 'Re ihâimana u'âsi mono hã te te aima ipisutu za'ra wa'wa hã.
'Re ihâimana u'âsi mono hã ti'ra te te wawi sawi za'ra õ di, wazada dâ'â za'ra tõ da. Wa'udâna ma tô wama sõmri za'ra tô, te te wawi sawi za'ra ãna. E tawamhã uburé marĩ iwẽ hã te te wama 're anhomri mono õ di za. Te te wawi 're azawi mono ãna, te za tô te te wama 're anhomri, 'Re ihâimana u'âsi mono hã.
Ta norĩ hã senai'õ na rowasu'u na te te dama 're rowasu'u zahuré, ãne: “Tâibâ, bâdâ ma tô iwa waptã'ã pa, 'Re ihâimana u'âsi mono ab're hawi te te ida'ahâiwa'utuzéb da hã. Niwab da hã te te ãma sahu õ di za, te te ida'ahâiwa'utuzém na hã.” Ãne te ta norĩ nhimirowasu'u hã 're hâimana. Taha zarina ma tô dawi uprosi zahuré, Wanhib'apito wasu'uwẽ na da te 're isaze za'ra mono zé hã.
Wa hã Paulu, 'Re ihâimana u'âsi mono ma romhuri'wa, duré Zezu Cristuhu zadawa wasu'u'wa 're ĩmorĩ, wa ãma aima rob'ui'éré. Zezu Cristu hã ma tô ĩpisutu, te te datẽme ĩzatõrĩ da, 'Re ihâimana u'âsi mono nhib'a'uwẽ norĩ u, te tãma 're apawapto mono da, Wanhib'apito umnhasi sina 're hâimana za'ra mono da, duré Wanhib'apito wasu'u wẽ na te 're apawapto mono da, ãma 're nomro wẽ mono da. Taha da, ma tô datẽme ĩzatõ.
'Re aihâimana za'ra wa'aba mono zém na, 'Re ihâimana u'âsi mono ma, asina tãma ãma 're uwaimrami za'ra wa'aba mono õ wa, tinhoprubzéb zarina, iwẽ uptabi hã te te aima 're ipisutu za'ra wa'aba mono hã 're simini za'ra wa'aba mono tõ da, te za 're asi'madâ'â pese za'ra wa'aba mo. Wede pa hã, ti'ai 'rowi 're simi'wara mono ré hã, taha wa'u isé hã dama simimnhasi õ di. Tane nherẽ, ipa hã da te oto 're sa'o'o za'ra mono wa, da te oto 're huri mono wamhã, te za te te 're da'rãiwamnarĩ za'ra, taha pa wa'u hã sé wa. Tane duré, a norĩ wa'wa hã te za ni'wam norĩ wi 're asi'madâ'â pese za'ra wa'aba mo, ta norĩ hã te te aiwi 're rowasété za'ra wa'aba mono tõ da, duré taha zarina a norĩ wa'wa hã 'râwi aiwasété na 're asi'uptob za'ra wa'aba mono tõ da, ta norĩ zu.
Tahawa, te te 're da'anho'reptui waihu'u pese mono di ta hã, da te dasina 're i'umnhasi za'ra mono zéb zarina, 'râwi dapẽ'ẽ 're itẽme 're idasihutu mono norĩ hã, 'Re ihâimana u'âsi mono u. 'Re ihâimana u'âsi mono ma, da'ãma 're mreme mono da, dama 're hâimana u'âsi mono wa, te te 're da'anho'reptui waihu'u pese mono di, ta hã oto.
Wa hã Pedru, Zezu Cristu nhimipisudu, isadawa wasu'u'wa na 're ĩmorĩ da. Ãhã na wa za ãma aima rob'ui'éré za'ra wa'wa, 'Re ihâimana u'âsi mono nhib'a'uwẽ norĩ ma. Airom nhiti te dawazari 're aihâimana za'ra wa'aba mo, danhipti'a nho'õmo mono bâ, Põtu ãma, duré Galasia ãma, duré Capadosia ãma, duré Azia ãma, duré Bitinia ãma.
Zezu Cristu hã nimahã na te za wei mo apâ. Tahawa, te za aihâimana nhimiza'rese 're aihâimana za'ra wa'aba mo. Aihâiba na te za 'râwi 're asi'madâ'â za'ra wa'aba mo. Zezu Cristu hã apâ wei morĩ wapsi, te za aima 're irowẽ za'ra wa'aba mono zé hã aima pisutu za'ra wa'wa, hâiwa ãma. Taha zô si te za asina 're asimipari u'âsi za'ra wa'aba mo.
Tahawa, ĩsiwadi norĩ, ĩma asawi pese za'ra wa'aba norĩ hã, rowẽ zô 're asimipari za'ra wa'aba mono sina, te za sada 're asiptete za'ra wa'aba mo, aihâimana wẽ na 're aihâimana za'ra wa'aba mono da, 'Re ihâimana u'âsi mono hã aihâimana wẽ uptabi na, te te 're aiwaihu'u za'ra wa'aba mono da, rowẽ u'âsi ãma 're anomro aba mono da.
Ta norĩ hã ma tô aré wasiré 're si'rã'õtõ u'âsi, iwasu'uwẽ u. Wasiré uptabi 're hâimana za'ra mono õ nherẽ, ma tô aré wasiré 're hâimana za'ra. Wasiré uptabi, 're hâimana za'ra mono 'wa'âhã, te aré wasiré 're hâimana u'âsi za'ra, 'râwi. Tane nherẽ, ma tô wahawi 're wairébé. Tahawa, wa tô wasina waihu'u za'ra ni oto, wasiré uptabi 're ihâimana za'ra mono õ na hã.
ကြော်ငြာတွေ