Luca 22:16 - ꞌRe Ihâimana Uꞌâsi Mono Zadawa Wasuꞌu

¹⁶ Ãne na, ĩsa na 're ĩsai mono õ di za oto. Bâdâ iwa waptã'ã wapsi, 'Re ihâimana u'âsi mono hã uburé da'ãma 're sib'a'uwẽ mono wapsi, wa za duré 're ĩsa. Tawapsi, dasaihurizé hã marĩ te te iwasu'u hã te ĩsina uwaimrami wapsi, wa za duré 're ĩsa.

Luca 22:16 ပူးပေါင်းရင်းမြစ်များ

Luca 12:37

Tãma iromhuri'wa norĩ hã sõtõ ãna, sô simipari za'ra wamhã, tãma rowẽ za'ra di za. Tawamhã ãté mara wa'wa, te za apâ wi, isib'apito za'ra hã. Ãté si'a hârâ wi, te za apâ wi. Hâimana nhimiza'rese sina, sô 're simipari za'ra mono ré, apâ wisi wamhã, tãma rowẽ za'ra di za, tãma iromhuri'wa norĩ ma hã. Tawamhã apito nherẽ, sai õ ré, te za a'â ti'uza na ãma saprĩ, isa te te tãma sõmri mono da, tãma iromhuri'wa norĩ ma. Te za duré tãma nharĩ za'ra, tisai ma, si'ubumro da. Taha pari, te za duré tãma sõmri za'ra, isa hã.

Luca 14:15

Tame ma tô aibâ hã dame nhamra, 'ri para, sa da. Tawamhã Zezusi te te dama iwaihu'uzé hã ma tô dame wapa. Tahawa, te Zezusihi ma tinha, ãne: — 'Re ihâimana u'âsi mono, Danhib'apito uptabi na 're ihâimana mono zéb ãma, i'rata 're isaihuri mono norĩ ma, 're rowẽ uptabi za'ra mono di za.

Luca 22:15

Tawamhã te oto tãma siwasu'u za'ra, ãne: — Wa tô ĩsima wẽ upta, aime ĩsa za'ra wa'aba da, te robzépata õ ré, Pascowa na 're idasaihuri mono zém na.

Luca 22:18

à hã te 're hâsi mono õ di za oto, a'â. Niwapsi, wa za duré te 're hâsi, 'Re ihâimana u'âsi mono hã uburé da'ãma 're sib'a'uwẽ mono wapsi.

Luca 22:30

A norĩ wa'wa hã niwapsi, te za ĩsiré 're asimroi wa'aba mo, wedeza na wasiré 're wasaihuri mono da, duré wasiré wa te 're âhuri mono da zama. Danhib'apito simasisizém na, te za 're ai'ubumroi wa'aba mo, Izaraéu nhihudu norĩ ma, 're roti za'ra wa'aba mono da, wahi'rada Izaraéu hã, 12 na i'ra si'aibâ norĩ ma. Taha nhihudu norĩ hã te za 're i'madâ'â za'ra wa'aba mo.

Zuwã 6:27

Dasa hã siwamnarĩ su'u di. Tahawa, taha zô si 're romhuri za'ra wa'aba mono õ di za. Dasa ne isi'utõrĩ'õ zô si, te za 're irob'ruiwapari za'ra wa'aba mo, wẽ na 're ihâimana u'âsi mono zô si. Ta hã rowẽ u'âsi dadâ'â ãna 're idahâimana u'âsi za'ra mono zé, te wasu'u. Wa hã ti'ai ãma dasiré ĩpoto wa, ma tô Ĩmama hã ĩpisutu, isadawa para te dama 're anhomri mono da, rowẽ u'âsi 're idahâimana u'âsi za'ra mono zé hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:41

Aihĩni, da te sabu za'ra õ di. Wa norĩ si wa tô wahâiba pisutu sabu za'ra ni. Romhâ ré, ma tô 'Re ihâimana u'âsi mono hã sima wawẽ za'ra, Zezusihi hâiwa'utuzém na wa te dama 're rowasu'u za'ra mono da. Tahawa, watẽmep si ma tô satõ, Zezusi hã hâiwa'utu parimhã. Wa tô isiré wasaihuri ni. Wa tô duré isiré âhuri ni, apâ hâiwa'utu parimhã.

Apocalipsi 19:9

Tawamhã hâiwa ãma 'Re ihâimana u'âsi mono ma romhuri'wa hã te ĩma tinha, ãne: — Ma'ãpé, ãne na ãma rob'ui'éré: “Pone'ẽrebâ imrozém na da te dasima ãma iromhu'u za'ra zéb u sihutu da, 'Re ihâimana u'âsi mono hã sô ihârâ za'ra norĩ ma, tãma 're rowẽ uptabi za'ra mono di za.” Ãne te duré ĩma tinha: — Ã hã 'Re ihâimana u'âsi mono mreme hã tô sena uptabi.