Luca 22:11 - ꞌRe Ihâimana Uꞌâsi Mono Zadawa Wasuꞌu

¹¹ Tame te za 'ri tede'wa hã isadanharĩ 'wa, ãne: “Rowahutu'wa hã te wama tinha, wa te asadanharĩ da: E ma niwĩ 'ri 're wa'wa hã, ĩsiré 're inomro mono norĩ me, iwa iwasaihurizéb da hã, Pascowa na dato nhisi na hã.”

Luca 22:11 ပူးပေါင်းရင်းမြစ်များ

Mateu 21:3

Tawamhã ni'wa hã awaru po'repore, sahuré we ĩma isaprõni aba na te te asadanharĩ aba wamhã, ãne te za tãma ĩzadawa wasu'u wa'wa za, asa: “Wanhib'apito hã marĩ õ wa, ãma morĩ da, wa we sô wanem ni, wa te tãma saprõni zahuré da.” Ãne na hã tãma waihu'u aba wi, te za awa'awi ãma asazei wa'wa za, awaru po'repore norĩ hã sahuré we ĩma isaprõni aba da na hã.

Marcu 14:14

Aibâ hã nimomo sébré wamhã, te za 'ri tede'wa hã isadanharĩ 'wa: “Rowahutu'wa hã te tinha: E ma niwĩ 'ri 're wa'wa hã, ĩsiré 're inomro mono norĩ me, iwa iwasaihurizéb da hã, Pascowa na dato nhisi na hã.”

Luca 19:31

Ni'wa hã ãne te te asadanharĩ aba wamhã: “E marĩ da, te iwasihui wa'wa,” tawamhã, ãne te za asa tãma inharĩ 'wa: “Wanhib'apito hã ãma morĩ da, wa tãma wasihu ni.” Ãne te za asa tãma inharĩ 'wa.

Luca 19:34

Tahawa, te asa tãma nharĩ zahuré, ãne: — Wanhib'apito, marĩ õ wa, ãma morĩ da, wa tãma wasihu ni.

Luca 19:5

Tawamhã Zezusi wede u oto wisi wamhã, hâimo te 'mazawẽ. Ãhã wamhã, ma tô 'mahâ Zaqueu hã, ãne: — Zaqueu, ai'aba'ré na we si'ra na. Ã bâtâ na hã asõrõwa ãma ĩhâimana da hã wa ĩsima wẽ.

Luca 22:10

Tahawa, te Zezusi asa tãma nharĩ zahuré, ãne: — Ĩwapari pese aba. 'Ri ahâ u aimasisi aba wamhã, aibâ hã te za isõpẽtẽ 'wa, piza'a â ré, te te i'âri hã. Sõpẽtẽ aba wamhã, pibui wa'aba mono za, 'ri para u isébrézéb u.

Luca 22:12

Tawamhã 'ri tede'wa, te za hâimo 'ri 're wa'wa za'ẽne hã aima pisutu 'wa, marĩ i'ubumro siromo ãma. Tame te za wazô irobza'ra pese 'wa.

Zuwã 11:28

Tawamhã apâ te mo Marta hã, 'ri tẽme. Ti'awi pesere ma tô tinoi ma rowasu'u, ãne Mariaha ma: — Rowahutu'wa te we asô hâ, itẽme aimorĩ da.

Apocalipsi 3:20

“Ma'ãpé duré, wapari pese za'ra wa'aba, te ãma isimiré hã. Aibâ te 'ridawab za. Tawamhã 'ri tede'wa hã te 'mahâ, sãmra zô, duré itẽme sébré da. Tawamhã 'ri tede'wa te te wapari wamhã, te za tãma 'ridawa, sitẽme te te 'mazébré da, siré sa zahuré wa, rowẽ na te te sima rowasu'u zahuré da. Tane wa hã aibâ, 'ridawa isam ne, wa asô 're ĩnhimipari za'ra wa'wa. Ĩmreme 're wapari za'ra wa'aba mono wa, ĩzô 're aihãsi aba mono zô, wa 're ĩnhimipari u'âsi. Tawamhã ĩzô 're aihãsi aba mono wapsi, duré asitẽme 're ĩ'mazasi za'ra wa'aba mono wapsi, wa za aipẽ'ẽ 're, 're ĩnhamra u'âsi za'ra wa'wa. Tawapsi, wa za wasiré rowẽ na 're wahâimana u'âsi za'ra.