Luca 22:1 - ꞌRe Ihâimana Uꞌâsi Mono Zadawa Wasuꞌu

¹ I'u'ẽtẽ duptoi'õ, da te 're ihuri mono zéb u hã, romhuture di oto, Pascowa na dato nhisi u hã.

Luca 22:1 ပူးပေါင်းရင်းမြစ်များ

Ezodu 12:1

Tawamhã Ezitu ãma, Mozési norĩ zahadu simasisi zahuré ré, te duré 'Re ihâimana u'âsi mono hã tãma roti zahuré, ãne Arãhã me:

Marcu 14:12

Tawamhã bâdâ ma tô oto iwa waptãrã, i'u'ẽtẽ duptoi'õ, da te ihurizéb da hã. Ã bâtâ na, imorĩ'rata na zudeu norĩ hã te za pone'ẽrebâ 'ra hã te te sima 're simro, tisa te te ãma ihurizéb da hã, Pascowa na dato nhisi na hã. Tawamhã Zezusihi siré 're inomro mono norĩ hã, te ãne siwi sadanha: — E momo ma tô asima iwẽ, asô iwa'manhipizéb da hã, Pascowa na dato nhisi na iwasaihurizéb da hã.

Zuwã 13:1

Awẽ te za oto dato hã dasiwi 'manharĩ za'ra ni, Pascowa na dato nhisi hã. Zezusi hã ma tô sina waihu'u, romhuture wa oto apâ imorĩzé hã, Timama u. Õne u'âsi te Zezusi hã tinhib'a'uwẽ te te 're azawi pese, ti'ai ãma 're ihâimana za'ra mono norĩ hã, õ tihâimanazéb 'rãsutu u.