Luca 21:9 - ꞌRe Ihâimana Uꞌâsi Mono Zadawa Wasuꞌu

⁹ 'Re dasi'wapé za'ra mono wa, da te dasina 're iropupu'u za'ra mono zé hã 're wapari za'ra wa'aba mono wamhã, tãma 're aipahi za'ra wa'aba mono õ di za. Duré ti'ai ãma danhib'apito norĩ hã, da te 're isani za'ra mono zé wasu'u hã 're wapari za'ra wa'aba mono wamhã, tãma 're aipahi za'ra wa'aba mono õ di za. Dasi'wapé hã te za a'â 're wairébé. Danhib'apito hã te za a'â da te 're sani za'ra, tô. Tane nherẽ, rob'rãsutu uptabi õ di za a'â.

Luca 21:9 ပူးပေါင်းရင်းမြစ်များ

Salmu 112:7

Romreme iwasété ma hã, tãma 're pahi mono õ di za. Pẽ'ẽ nhiptete na te za 're hâimana u'âsi, Uburé Danhib'apito si te te sina 're umnhasi mono wa.

Luca 21:10

Ma duré tãma waihu'u za'ra, ãne: — Danhipti'ai amoi u te za dasisô 're dapra a'â, 're dasi'wapé za'ra mono da. Tawamhã daro mono bâ te za tô 're dasiwasutu za'ra.

Luca 21:28

Ãne wana ré, marĩ hã pusi mono wamhã, te za asiptete na 're aihâimana u'âsi za'ra wa'aba mo. Duré 're ai'rãiwahutu za'ra wa'aba mono. E marĩ wa. Romhutu na te za asõ'reptu za'ra wa'aba zé hã asina i'uwaimrami za'ra wa'wa.

Luca 21:8

Tahawa, te Zezusi hã asa tãma nharĩ za'ra, ãne: — Ni'wam norĩ hã te za sadawa nhipese na sisarina datẽme 're nomro, ahâ na. Wa hã newa, te za taré ĩnhisi na dama 're siwasu'u za'ra, danho'reptui'wa na. Taré te za duré te te dama 're rowasu'u za'ra, ãne: “Bâdâ te za oto iwa waptãrã, 'Re ihâimana u'âsi mono te te ipisudu hã.” Ãne te za taré te te dama 're rowasu'u za'ra. Tahawa, te za aihâimana nhimiza'rese tiwi 're aihâimana za'ra wa'aba mo, sadawa nhipese sina datẽme 're inomro mono norĩ ãma, 're sasõmri za'ra wa'aba mono tõ da.