Luca 21:3 - ꞌRe Ihâimana Uꞌâsi Mono Zadawa Wasuꞌu

^3-4 Tahawa, te Zezusi hã tinha, tisiré 're inomro mono norĩ ma, ãne: — Tô sena, ã hã pi'õi mrotõ hã sibrob õ nherẽ, ma tô tinhoprubzém na uburé ãma da'a'rãnhipa. Isiré norĩ hã rob'uiprazé hã nasi tãma isi'atarẽme za'ra si, te nasi sé. Tanei õ di, pi'õi mrotõ hã. Simarĩ õ nherẽ, tihâimanazéb da, te te aré itédé hã ma tô ibâre tãma tisõ. Ãne wamhã, ma tô tinhoprubzém na uburé ãma da'a'rãnhipa.

Luca 21:3 ပူးပေါင်းရင်းမြစ်များ

Luca 21:2

Pi'õi mrotõ zama ma duré 'madâ, isibrob'õ hã. Ta hã ma tô rob'uiprazé isapotore hã dame tiza, marĩ te te ãma i'uipra da hã aré, surure nherẽ.

Luca 4:25

Ĩwapari pese za'ra wa'aba. Wahi'rada Eliasi hã, 'Re ihâimana u'âsi mono zadawa 'mahârâ'wa, te 're mo. Tawamhã ti'ai ãma 're morĩ ré hã, tãi ãna hã ma tô da'ãma tiwahu, si'ubdatõ. Tãi õ wa, mra hã te da te 're sépata za'ra. Tawamhã imrotõ ahâ nherẽ, Izaraéu na darom nhisi ãma, ma tô darob amoi u satõ, zudeu'õ u, 'Re ihâimana u'âsi mono hã. Sidõ na danhipti'a nho'õmo nhisi u, ma tô pi'õ mrotõ u satõ, Sarepata na 'ri nho'õmo nhisi u.

Luca 9:27

Tô sena wa aima rowasu'u za'ra wa'wa. Aihĩni õ nherẽ, ai'matâ'â aba õ ré, te za 'Re ihâimana u'âsi mono, da'ãma 're isib'a'uwẽ mono zé hã ãma i'madâ'â za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:34

Tawamhã Pedru hã timreme na ma oto ãma tãma sãna'rata za'ra, ãne: — Tô ta, ãhã na wa tô waihu'u. Tô sena 'Re ihâimana u'âsi mono hã ma tô si'ãma ropisutu, dawi 're sisawi tõ mono da, zudeu nherẽ, duré zudeu'õ nherẽ. Daro mono bâ, iwẽ si da te 're 'manharĩ za'ra mono da, imreme, da te 're wapari za'ra mono wamhã, te za tô te te sima 're da'awẽ mono, aiwapsi. Misi, ma tô te te da'ãma sima 're rosa'rata, dawi 're sisawi tõ mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:27

— Ãhã na, tô sena Zeruzalẽ ãma ma tô tasi'rã'õtõ ni, aima romhuri wẽ 'wa zada, Zezusihi zada, Danho'reptui'wa da ipisutu zada. Erodi norĩ hã ma tô sitẽme ubumro, Põsiu Pilatuhu me. Ta norĩ hã zudeu'õ norĩ me duré Izaraéu nhihudu norĩ me, ma tô sada si'rã'õtõ, te te siwi wĩrĩ da.

2 Corĩtu 8:12

Ato sina, ãma asõprub za'ra wa'aba wamhã, 'Re ihâimana u'âsi mono si te za asõprubzém na aiwẽsãmri za'ra wa'wa. Asimarĩ aba õ wa, tô suru na isõmri za'ra wa'aba zéb zarina, te za duré ãma aiwẽsãmri za'ra wa'wa, ato sina ãma asõprub za'ra wa'aba wa.