Luca 21:24 - ꞌRe Ihâimana Uꞌâsi Mono Zadawa Wasuꞌu

²⁴ Sib'ézé 'wapa na hã da'ahâ na te za tadâ'â za'ra ni. Duré, ni'wam norĩ hã daro mono bâ, te za da te simro. Te za da te ãma ropé, daro mono bâ. 'Re ihâimana u'âsi mono zazei'õ'wa norĩ hã sahi sina te za a'â te te dama 're roti za'ra, Zeruzalẽ ãma, zudeu'õ norĩ hã. Bâdâ hã iwa tãma iwaptã'ã za'ra zéb u, te za da'madâ'â 'rãsutu za'ra.

Luca 21:24 ပူးပေါင်းရင်းမြစ်များ

Zenezi 34:26

Tahawa, ma tô duré Hamo norĩ zama Siquẽhẽ me dazu pãrĩ ni. Taha pari ma tô Simiã norĩ, Levihi me õne haré Siquẽhẽ nhorõwa hawimhã Dina hã wazere zahuré. Tawamhã ma tô duré oto iré tipusi zahuré.

Ezodu 17:13

Ãne Zozué, amalequita norĩ ãma uburé te te i'ai'uté za'ra zé hã.

Daniéu 12:7

Tawamhã hâiwa ãma romhuri'wa tinhib'rada hâimo te te wẽ sina, te 'Re ĩhâimana u'âsi mono idâ'â'õ nhisi na tinha ãne: — Wa za aima ropisutu. Ãne hã te za tô tiromhâiba, si'ubdatõ wahu aiwa ãma isipo'o u, 'Re ĩhâimana u'âsi mono tinhib'a'uwẽ da, te te ipisutu norĩ ma, da te tãma 're irob'manharĩ wasété za'ra mono zé hã si'utõrĩ wapsi.

Daniéu 8:13

Taha pari wa tô duré wapa, hâiwa ãma romhuri'wa norĩ te te sima irobzanhamri zahuré zé hã. Nima hã ma tô tihâiba amo sadanha ãne: — E niha danhotõ 'rowim ne marĩ 'madâ'âzém na we iromhâimana mono na hã te za we ãma ropsi'utõrĩ. Duré marĩ zata na bâtâ sidâpâsi 're idanhoprub za'ra mono zéb upana, iwasété na si oto 're idanhoprub za'ra mono na hã, e niha te za duré we ãma ropsi'utõrĩ. Duré isõrõwa 'ri 'rãihâ siprum haré 're isa mono na hã e niha te za duré we ãma ropsi'utõrĩ. E niha te za hâiwa ãma dasi'wapéi 'manharĩ'wa norĩ ãma, da te ãma 're i'ai'uté za'ra mono na hã we duré ãma ropsi'utõrĩ u'âsi.

Daniéu 9:27

Duré ã hã apito, dapoto mono bâ dasiwazari da'ahâ uptabi na idahâimana za'ra mono ma, te za marĩ na dasisazezé hã dama 'manha. Tawamhã ãhã ré hã te za 7 na da'ãma tiwahu. Duré 7 wahub u aiwa ãma isipo'o ãma, te za abaze zata na 're idanhoprub za'ra mono zé hã, duré 'Re ihâimana u'âsi mono nhorõwa 'ri 'rãihâ 're, amnho na 're idanhoprub za'ra mono zé hã oto dawi sizâ. Duré “marĩ ipipa iwasété uptabi hã” te za 'Re ihâimana u'âsi mono nhorõwa 'ri 'rãihâ 're hâimo tisã. Tawamhã tame te za a'â za, ã hã apito hã 'Re ihâimana u'âsi mono te te i'uprosizéb u, te te ãma sima irowairébézéb zarina.

Luca 21:25

Romhâ ré, ma tô duré ãne na hã tãma waihu'u siromo za'ra, Zezusi hã: — Niwapsi te za marĩ aimawi hã 'madâ'â za'ra ni, bâtâ na hã, a'amo na zama, wasi norĩ na zama. Â poré a'a 'reptã'ã ma, te za tapahi za'ra ni, â poré nhibzaihâ ma zama. Daro mono bâ, dama robzei'õ uptabi za'ra di za.

Roma 11:25

Ĩsisãnawã norĩ, zudeu'õ na da te 're aiwaptẽrẽ za'ra wa'aba mono norĩ hã, marĩ aré dama iwaihu'u'õ na roti ipire wasu'u na hã wa za oto aima rowasu'u za'ra wa'wa, asimiza'rese ãna 're aihâimana za'ra wa'aba mono tõ da. Zudeu norĩ upana, 'Re ihâimana u'âsi mono hã ai'ãma wa'aba si 're sib'a'uwẽ mono newa, 'râwi asi'ãma 're aiwata za'ra wa'aba mono tõ da, wa za oto ãne na aima rowasu'u za'ra wa'wa. Izaraéu nhihudu norĩ hã 'Re ihâimana u'âsi mono wi, pẽ'ẽ tete uptabi na 're hâimana za'ra mono nherẽ, pẽ'ẽ tete u'âsi, tiwi 're hâimana za'ra mono õ di za. Duréihã, 'Re ihâimana u'âsi mono te te sima ipisutu siromo zéb zarina, zudeu'õ norĩ hã da'ahâ uptabi na Cristu za da te 're isaze za'ra mono norĩ za'ratazé hã, oto iwa waptã'ã wapsi, te za oto zudeu norĩ hã ahâ uptabi na itẽme 're sipizari za'ra, õhõ ãma si oto 're nomro mono da.

Hebreu 11:34

Ta norĩ hã ma tô duré unhama ro'o za'ẽne hã te te 're simro, siwi. Ma tô duré dawi 're sisõ'reptu za'ra, sib'ézé 'wapa na da te 're simroi mono da nherẽ. Sib'uware na 're hâimana za'ra mono nherẽ, 'Re ihâimana u'âsi mono nhimipawaptobzém na ma tô siptete na dazada 're hâimana za'ra. Siptete uptabi na te te 're da'wapé za'ra mono wa, ma tô ta norĩ hã tizahui'wa norĩ hã te te 're wano'õ apâ, darob amoi hawi te te 're idazahu za'ra mono norĩ hã.

Apocalipsi 11:2

Tane nherẽ, 'ri 'wawi wa'ra 're, 'ri nho'remhã pibui mono õ di za. Ta hã wa tô pisutu, ĩnhib'a'uwẽ'õ norĩ si te te iwa 're ubumroi mono da. Ta norĩ hã niwapsi te za Zeruzalẽ ãma hã 'ri nho'u iwẽ uptabi ãma hã da'ãma ai'uté za'ra. Tahawa, te za te te sina dawasi za'ra. 42 na a'amo ihâimana u te za te te da'ãma rowamnarĩ za'ra, 1.260 na bâdâ za da'ãma isi'utõrĩzéb u.