Luca 20:5 - ꞌRe Ihâimana Uꞌâsi Mono Zadawa Wasuꞌu

⁵ Tahawa, te 'râwi sima nharĩ za'ra, ãne: — E niha, wa za tãma waihu'u za'ra ni, õne wamhã. 'Re ihâimana u'âsi mono zadawa para, â dawabzuri te te dama 're i'ab'manharĩ mono na, wa te tãma waihu'u za'ra wamhã, te za wazadanharĩ na sahu za'ra, ãne: “E niha bété, Zuwã Batistaha nhimirowasu'u hã saze za'ra wa'aba õ di, dame.” Ãté ãne, te za wama nharĩ za'ra.

Luca 20:5 ပူးပေါင်းရင်းမြစ်များ

Mateu 16:7

Tawamhã isiré 're inomro mono norĩ hã ma tô sima nharĩ za'ra, ãne: — Ãté õ hã i'u'ẽtẽ wapu hã wa te wei wasiré 'mai'âri za'ra õ wa, ma tô ãne wama nharĩ za'ra.

Mateu 21:25

Ãne wa za asadanharĩ za'ra wa'wa: E 'wa sadawa para, ma tô Zuwã hã â dawabzuri hã te te dama 're ab'manharĩ bété. E 'Re ihâimana u'âsi mono zadawa para. E dazadawa para. Tawamhã 'râwi te sima nharĩ za'ra, ãne dama rowahutu'wa norĩ hã: — E niha, wa za tãma waihu'u za'ra ni, õne wamhã. 'Re ihâimana u'âsi mono zadawa para, â dawabzuri te te dama 're i'ab'manharĩ mono na wa te tãma waihu'u za'ra wamhã, te za wazadanharĩ na sahu za'ra, ãne: “E niha bété, Zuwã Batistaha nhimirowasu'u hã saze za'ra wa'aba õ di, dame.”

Luca 20:4

E 'wa sadawa para, ma tô bété Zuwã hã â dawabzuri hã te te dama 're ab'manharĩ. E 'Re ihâimana u'âsi mono zadawa para. E dazadawa parap si. Ma'ãpé, Zuwãhã ãma asimirosa'rada hã, a'â ĩma waihu'u za'ra wa'aba.

Luca 20:6

Ma tô da te 're saze za'ra Zuwã hã, 'Re ihâimana u'âsi mono zadawa 'mahârâ'wa 're imorĩ na. Tawamhã dazadawa parap si, â dawabzuri te te dama 're i'ab'manharĩ mono na, wa te tãma nharĩ za'ra wamhã, ãté te za ẽtẽ na dasiwi wa'uprosi ni.

Zuwã 1:30

Ãne wa tô aima wasu'u za'ra wawa iwana: “Ĩza'u we imorĩ hã ĩma pire di. Ĩpoto õ ré, 're morĩ u'âsi wa, ĩma pire di.” Ãne, wa tô te aima 're wasu'u za'ra wa'wa.

Zuwã 1:34

Wa hã wa tô ãma 'madâ. Tô sena, wa aima rowasu'u za'ra wa'wa. Õ hã, 'Re ihâimana u'âsi mono 'ra.

Zuwã 3:26

Tahawa, ma Zuwã Batistaha tẽme aimasa, isiré 're inomro mono norĩ hã. Ãne te tãma wasu'u za'ra: — Rowahutu'wa, Zodã zara niwĩ aihâimana ré, ma tô Zezusi hã we atẽme wi. Wisi wi, ma tô dama iwasu'u, 'Re ihâimana u'âsi mono te te ipisutu na Danho'reptui'wa da. E niha te bété õ hã te te duré dama 're ab'manharĩ, â dawabzuri hã. Zezusihi u si te oto aihĩni 're danomro.

Zuwã 3:36

I'ra hã Danho'reptui'wa na da te dasina 're umnhasi za'ra mono wamhã, dama 're rowẽ za'ra mono di za. 'Re dadâ'â za'ra mono ãna, te za 're dasi'ubumroi u'âsi i'rata, hâiwa ãma. Imreme, da te 're wapari za'ra mono õ wamhã, dama 're rowẽ za'ra mono õ di za. 'Re ihâimana u'âsi mono nhimihâzé hã te za da te dasina 're waihu'u u'âsi za'ra, i'ra mreme hã da te 're wapari za'ra mono õ wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:25

Tawamhã tinhimiromhuri te te isazârizéb u ro'rutu wapsi, te dama siwasu'u, ãne: “Cristuhu zô te 're asimipari za'ra wa'aba mo. Tawamhã te ĩ'ãma 're irosa'rata za'ra wa'aba mo, Cristuhu newa, Danho'reptui'wa da, 'Re ihâimana u'âsi mono te te ĩpisutu newa. Tazahã, ta hãi õ di, wa hã. Ĩza'u si ĩma ipire hã te za wei mo. Wei wisi wapsi, wa hã tãma ĩwapure di za. Tãma ĩwapure wa, ipara'uza wasisizé, te apâ tiwi wasihu waihu'u õ di za, ĩnhisé wa.” Ãne te dama siwasu'u, Zuwã Batista hã.