Luca 20:36 - ꞌRe Ihâimana Uꞌâsi Mono Zadawa Wasuꞌu

³⁶ 'Re ihâimana u'âsi mono ma romhuri'wa norĩ ne, te za dâ'â ãna 're hâimana u'âsi za'ra, dâ'â waihu'u ãna. 'Re ihâimana u'âsi mono 'ra, te za 're dahâimana za'ra, ab're hawi za te te da'ahâiwa'utu wamhã.

Luca 20:36 ပူးပေါင်းရင်းမြစ်များ

Mateu 22:30

'Re ihâimana u'âsi mono hã ab're hawi apâ te te 're da'ahâiwa'utu mono wamhã, hâiwa ãma romhuri'wa norĩ ne, te za oto 're dahâimana u'âsi za'ra, dasina 're damro zahu za'ra mono ãna.

Marcu 12:25

'Re ihâimana u'âsi mono hã ab're hawi apâ te te 're da'ahâiwa'utu mono wamhã, hâiwa ãma romhuri'wa norĩ ne, te za oto 're dahâimana u'âsi za'ra, dasina 're damro za'ra mono ãna.

Roma 8:16

Wa norĩ hã 'râwi wapẽ'ẽ 're, wa tô wa te wasina 're waihu'u pese za'ra, 'Re ihâimana u'âsi mono 'ra oto 're iwahâimana za'ra mono na. Duré Ipẽ'ẽzani hã te te wama 're i'awaihu'u mono zéb zarina zama, wa tô 'râwi wa te wasina 're waihu'u za'ra, i'ra oto 're iwahâimana za'ra mono na.

1 Corĩtu 15:26

Dadâ'âzé hã te dazada 're hâimana. Ta hã te za oto Cristu hã uprosi pese, da'rãsutu ãma hã.

1 Corĩtu 15:42

Tane duré, za niwa 'Re ihâimana u'âsi mono te te ida'ahâiwa'utuzé hã. Amnho hã da te 're zuri mono wamhã, itomhâ 're si'utõrĩ mono wapsi, te za 're 'wanhipré za'ra. Tane duré, ti'ab ré, 're dadâ'â za'ra mono pari, ab're 're, da te oto 're danheme mono wamhã, te za tô 're dahâiba si'utõrĩ za'ra. Tane nherẽ, 'Re ihâimana u'âsi mono te te oto da'ahâiwa'utu wamhã, dahâiba hã aiwa dama 're hâimana za'ra mono õ di za oto. 'Re dahâiba si'utõrĩ za'ra mono ãna, te za oto iré 're dahâimana u'âsi za'ra, õne u'âsi.

1 Corĩtu 15:49

Wa norĩ hã, aibâ ti'ai 'manharĩ na ihâiba na'rata ne ré, wa ti'ab ré iré 're wahâimana za'ra. Tane, wa za duré niwapsi hâiwa hawi we imorĩ hâiba ne iré 're wahâimana u'âsi za'ra. Tahawa, wa za oto isine 're wahâimana u'âsi za'ra, õne u'âsi.

Filipu 3:21

Taha si te uburé marĩ hã tiwaihu'u pese na te te 're ab'madâ'â, siptete uptabi wa. Tahawa, tiwaihu'u pese na te za wahâiba itém na wama ãma saprĩ za'ra, wahâiba isib'uware ré 're iwanomro 'rata mono zém hawi, isi'utõrĩ pese hawimhã. Tawamhã wahâiba itéb ré, Cristuhu hâiba ne iwẽ uptabi ré, wa za oto 're wahâimana u'âsi za'ra, i'rata.

Apocalipsi 20:6

Tawamhã 're idahâiwa'utu 'rata za'ra mono norĩ ma hã, tãma 're rowẽ uptabi za'ra mono di za. Ta norĩ hã 're idadâ'â zahu za'ra mono ne, unhama ro'o u'âsi u, da te 're idanhamra za'ra mono norĩ zu 're sisisi mono õ di za. miu na wahub u te za 'Re ihâimana u'âsi mono ma sasedoti na 're hâimana za'ra, duré Cristuhu ma zama. Te za duré isiré dama pire na te te dama 're roti za'ra, miu na wahub u.

Apocalipsi 21:4

Te za duré oto da'atõmo u'õ, dapẽ'ẽzé õ u'âsi 're dahâimana u'âsi za'ra mono da. Tawamhã duré oto 'Re dadâ'â za'ra mono õ di za. Duré 're dasiwa'õ za'ra mono õ di za oto. Duré dahâzé, da te 're sépata za'ra mono õ di za oto. E marĩ wa. Uburé 're iromhâimana 'rata mono zé hã si'utõrĩ pese wa oto.

Apocalipsi 22:9

Tane nherẽ, te si'ãma ĩma tinha, ãma ĩwata tõ da. Ãne te tawamhã ĩma tinha: — Tô'ã. Ãne hã 'manharĩ tõ. Wa hã asine, 'Re ihâimana u'âsi mono ma romhuri'wa, wa 're ĩhâimana, duré asisãnawã norĩ ne hã, duré isadawa wasu'u'wa mono norĩ ne hã. Duré ãhã wasu'u na i'arob'ui'éré mono wapari pese 'wa norĩ ne hã wa hã, 'Re ihâimana u'âsi mono ma romhuri'wa. Tahawa, ma'ãpé 'Re ihâimana u'âsi mono ãma si 're aiwata u'âsi mono.