Luca 20:26 - ꞌRe Ihâimana Uꞌâsi Mono Zadawa Wasuꞌu

²⁶ Tinhimirowasu'u na te te tãma ãma upa za'ra da newa, ma tô danho'a siwi sadanha, aibâ norĩ hã. Tazahã, tinhimirowasu'u na te te tãma ãma upa za'ra õ di, Zezusi hã. Isimirowasu'u hã, wẽ uptabi di. Wẽ uptabi wa, ma ãma titob'uzu za'ra, aibâ norĩ hã. Tahawa, te ari'iwi tihâimana za'ra oto.

Luca 20:26 ပူးပေါင်းရင်းမြစ်များ

Daniéu 6:4

Tahawa, isiré dama ipire norĩ, duré dama i'rãnho'õmo norĩ, ma tô Daniéu hã te te siwi 're pibu, niha isimi'madâ'âzéb 'remhã marĩ hã te te ãma siwi sãmri wasété wa, iwasédé te te ãma siwi hiri da. Tane nherẽ, marĩ hã te te ãma siwi sãmri õ di, sena na duré i'uwaibaba na si 're hâimana mono wa. Tahawa, ni'wa hã te te marĩ i'manharĩ wasété na duré te te ãma i'upa na te te ãma wasété waihu'u õ di.

Mateu 22:12

Tawamhã ãne te sadanha, apito hã: “Ĩsiwaihu, e niha bâ ma we tane ré asé, dasina damro wa, da'uzazé hã we dame asima sẽrẽ ãna.” — Tawamhã aibâ hã te ari'iwi za, niha te te tãma nharĩ waihu'u õ wa asa hã, te te duré tãma ãma upai wa.

Mateu 22:22

Tawamhã farizeu norĩ zadawa zapari'wa norĩ hã ãne na te te wapari za'ra wamhã, ma tô ãma titob'uzu za'ra. Tawamhã Zezusihi ãma, marĩ te te 'manharĩ za'ra ãna, ma tô ihawi apâ hã ai'aba'ré.

Mateu 22:34

Ãne na Zezusi hã te te tãma rowasu'u za'ra wamhã, ari'iwi te oto aimasa, saduseu norĩ hã, niha te te ãma sada'âbâ waihu'u za'ra õ wa, waihu'u pese uptabi wa, Zezusi hã. Tawamhã farizeu norĩ hã ãne na te te wapari za'ra wamhã, ma tô sitẽme ubumro a'â, Zezusihi u siré si'aba'ré da.

Mateu 8:10

Tawamhã Zezusi ãne hã te te wapari wamhã, ma tô ãma titob'uzu, isiwasu'uzém na. Tahawa, isarina idasi'aba'ré norĩ ma, ma tô tãma nharĩ za'ra ãne: — Tô sena wa aima waihu'u za'ra wa'wa. Ã hã te te sina ĩ'umnhasi hã niwa te i'madâ'â õ, Izaraéu nhihudu norĩ nhipti'ai ãma hã. Ta norĩ hã te te ãma siwi wabzu õ di, te te sina ĩ'umnhasizém na hã.

Luca 13:17

Tawamhã Zezusihi mreme hã te te wapari za'ra wamhã, ma tô iwẽ'õ'wa norĩ hã aséb za'ra, Zezusihi mreme ma. Iwẽ'wa norĩ ma, rowẽ za'ra di. Marĩ hã te te dama 're ab'manharĩ wẽ mono wa, te 're to za'ra, tipẽ'ẽ na.

Luca 20:20

Tahawa, ma tô taré a'â ãma 're sõpré. Ãne te aibâ norĩ ma tãma ãma roti za'ra: — Zezusihi u te za ai'aba'réi wa'wa, marĩ na asiwi sadanharĩ za'ra wa'aba da, tô sena, marĩ asiwi waihu'u za'ra wa'aba dai õ nherẽ, isimirowasu'u na hã. Tawapsi te za asiwi isadanharĩ za'ra wa'wa, tinhimirowasu'u na te te ãma upa zô, te te ãma upai wa, wanhib'apito u, wa te wasiwi saprõni da, marĩ te te tãma 'manharĩ wasété da. Tawamhã ma tô rob'uiprazém na tãma wa'âbâ za'ra, Zezusi za te te siwi isadanharĩ'wa norĩ ma.

Roma 3:19

Duréihã 'Re ihâimana u'âsi mono nhimiroti na ma tô Mozési hã rob'ui'éré, zudeu norĩ ma, õhõ na si ãma 're hâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré hã 're hâimana siromo mono wa, ni'wa hã tiwẽ na 're imorĩ wasété õ na dama 're siwasu'u waihu'u mono õ di. Uburé dawasété na 're dasisãmri za'ra mono da si, te dama 're hâimana, rob'ui'éré 'rada hã, duré 'Re ihâimana u'âsi mono, dawasété na te te 're ida'awẽ'õ mono zé hã da te dasina 're waihu'u za'ra mono da.

Titu 1:10

Ãhã na te aibâ norĩ hã ahâ na 're hâimana za'ra, isazei'wa nherẽ, Wanhib'apito nhimiroti na te te 're iwawapari za'ra mono õ norĩ hã. Ta norĩ nhimirowasu'u hã dama i'uwaibaba õ di. Tizadawa nhipese na te ta norĩ hã te te dama 're rob'rãmi za'ra. Ãne te 're dahâimana za'ra da'ahâ na, zudeu na 're idapoto za'ra mono hã.