Luca 2:51 - ꞌRe Ihâimana Uꞌâsi Mono Zadawa Wasuꞌu

⁵¹ Tawamhã Zezusi te ime timorĩ zahuré apâ, Nazaré u. Tame timama norĩ mreme, te te 're wapari pese. Ina hã i'ra tãma isiwasu'uzéb zahuré na, te te 're rosa'rata u'âsi, tipẽ'ẽ na.

Luca 2:51 ပူးပေါင်းရင်းမြစ်များ

Zenezi 37:11

Tawamhã isisãnawã norĩ te duré siwi 'ruiwapa, tino hã. Tane nherẽ, te imama si taré ãma rosa'rata u'âsi, ti'ra nhimirosawẽrẽ na hã.

Salmu 119:11

Aimreme hã wa tô ĩsima te 're tété ĩpẽ'ẽ 'remhã, ĩwasédé te aiwi 're 'manharĩ tõ mono da.

Daniéu 7:28

Ãme ma oto ti'rãsutu, ĩnhotõ 'rowim ne, te marĩ i'a'madâ'â mono zé hã. Tane nherẽ, wa hã Daniéu wa tô duré tãma ĩpẽ'ẽwara pese, te ãma irosa'ratazéb zarina. Tahawa, wa tô duré ĩ'ubu'a pese. Tane nherẽ, wa 'râwi ĩsima si tété.

Mateu 12:46

Tawamhã Zezusi hã te te dama rowasu'u ré, ma tô ino norĩ hã itẽme aihutu, tina norĩ me. Tawamhã rowi simasa wa, ma tô siwi da'maipo're pu'u, Zezusihi ma, da te 'mairowasu'u da, rob u itẽme hã watobro za'ra da.

Mateu 3:15

Tawamhã Zezusi ma te asa ãne ãma tãma wa'rã: — Wẽ nherẽ, tane hã tô aré. Tane nherẽ, te za tô a hã ĩma i'manha, 'Re ihâimana u'âsi mono te te wama ipisutuzéb zarina, wa te wasina uwaimrami da. Tahawa, Zuwã hã ma tô ãma saze. Duré te te ãma sazei wa, ma tô â dawabzuri hã Zezusihi ma 'manha.

Marcu 1:9

Tawamhã ãne te te dama 're wasu'u mono ré, ma tô Zezusi hã itẽme wi, Nazaré na 'ri wa'õtõ nhisi hawi. Galiléa na danhipti'a nho'õmo nhisi ãma, Nazaré hã. Itẽme wisi wamhã, ma â dawabzuri hã Zezusihi ma 'manha, Zodã pa na â nhisi ãma.

Luca 18:37

Tahawa, te asa tãma rowasu'u za'ra ni, ãne: — Zezusi, Nazaré hawi we imorĩ, ma ro'razâ.

Luca 2:19

Taha wamhã, duré Maria te isimirowasu'u za'ra na tipẽ'ẽ na hã te te 're rosa'rata u'âsi.

Luca 2:39

Zuzé norĩ hã zahadu te aimasisi, Zeruzalẽ ãma. Tame simasisi ré, ma tô ãma uwaimrami zahuré, uburé 'Re ihâimana u'âsi mono nhimiroti hã. Tawamhã te oto tineb zahuré apâ, tirob u. Galiléa u, te tineb zahuré apâ, Nazaré u. Tawamhã ma tô aimasisi zahuré apâ, tinhorõwa u.

Luca 4:16

Tawamhã Nazaré u te mo Zezusi hã, tiprédubzéb u. Sabadu sidâpâsi dame 're zasi mono wa, ma duré dame ãzé, zudeu norĩ te, rowahutuzéb u, romhuri zahârizém na hã. Tawamhã rowahutuzéb ãma sãmra wamhã, ma wahudu. Hâiwi te za, 'Re ihâimana u'âsi mono mreme ui'éré hã te te dama sõré da.

Luca 4:23

Tawamhã Zezusi te dama tinha, ãne: — Ãté da te dasima inharĩ za'ra zém na, te za ĩma inharĩ za'ra wa'wa, ãne: “Wawede'wa, ma'ãpé 'râwi asipese.” Ãté te za duré ĩma inharĩ za'ra wa'wa, ãne: “Ma'ãpé, ãmeb zama 're wa'apawapto mono, aiwaihu'u pese na, Cafanau ãma 're ida'apawapto mono ne. Aiwasu'u hã wa tô wapari za'ra ni.” Ãté, ãne te za ĩma inharĩ za'ra wa'wa.

Éfézu 5:21

A norĩ wa'wa hã ma tô Cristu hã 're iwapari pese za'ra wa'aba mo, Asib'apito wa'wa hã. Taha zarina, te za 're asiwapari pese za'ra wa'aba mo.

1 Pedru 2:21

Cristu hã ma tô robzépata, asada za'ra wa'aba. Ta hã ma tô ãne na aima ãma asanho za'ra wa'wa, isirã zarina si ari'iwi 're robzépata za'ra wa'aba mono da hã. Taha da, ma tô sitẽme asô tihârâ za'ra wa'wa, 'Re ihâimana u'âsi mono hã.