Luca 2:48 - ꞌRe Ihâimana Uꞌâsi Mono Zadawa Wasuꞌu

⁴⁸ Duré imama norĩ hã te te 'madâ'â zahuré wamhã, ma duré ãma titob'uzu zahuré. Tawamhã ina te tãma tinha, ãne: — Ĩ'ra, e tiha da, ma tô ãne hã wama i'manha. Taré wa tô asô 're warĩtĩ, aimama me, ai'ãma wapẽ'ẽzé sina.

Luca 2:48 ပူးပေါင်းရင်းမြစ်များ

Mateu 12:46

Tawamhã Zezusi hã te te dama rowasu'u ré, ma tô ino norĩ hã itẽme aihutu, tina norĩ me. Tawamhã rowi simasa wa, ma tô siwi da'maipo're pu'u, Zezusihi ma, da te 'mairowasu'u da, rob u itẽme hã watobro za'ra da.

Luca 2:49

Tawamhã te asa tãma nharĩ zahuré, ãne: — E marĩ da, ma tô ĩzô 're airĩtĩ aba mo. E ĩ'ãma rowaihu'u aba ãna, ĩmama nhorõwa ãma ĩnhamra na hã.

Luca 3:23

Zezusi hã 30 na ãma iwahub ãma, ma tô romhuri na sãna'rata, Timama zadawa wasu'u na hã. Zuzéhé 'ra newa, ma tô i'ra na, da te 're sisi za'ra. Zuzéhé poto'wa nhisi hã, Eri na isisi hã.

Luca 4:22

Tawamhã isimirowasu'u hã wẽ wa, aihĩni te ãma tawata za'ra ni. Mreme wẽ uptabi wa, ma ãma tatob'uzu za'ra ni. Tazahã, te dasima nharĩ za'ra ni, ãne: — E niha õ hã simirowasu'u waihu'u pese di, Zuzéhé 'ra nherẽ.

Zuwã 1:45

Tawamhã Filipi te Natãnaéhé zô hã rĩtĩ. Te te oto sõpẽtẽ wamhã, ãne te tãma tinha: — Aibâ hã wa tô wasiwi 'madâ'â ni, wahi'rada Mozési te te ãma irob'ui'éré siro hã romhâ ré, 'Re ihâimana u'âsi mono zadawa 'mahârâ 'rata 'wa norĩ zama isa'u te te ãma irob'ui'éré za'ra hã. Ta hã Zezusi, Nazaré hawi we imorĩ, Zuzéhé 'ra hã.