Luca 2:41 - ꞌRe Ihâimana Uꞌâsi Mono Zadawa Wasuꞌu

⁴¹ Wahup sidâpâsi, te Zezusihi mama norĩ hã dame 're neb zahuré Zeruzalẽ u, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi hã.

Luca 2:41 ပူးပေါင်းရင်းမြစ်များ

Ezodu 12:11

Tawamhã te za asi'uza wẽ siromo aba mo. Te za duré asipara'uza wẽ siromo aba mo. Duré te za asiwã asib'ratamhã itété siromo za'ra aba mo, ai'aba'ré na iré asaihuri aba mono da, õne haré marĩ zô apâ a'ãsi za'ra wa'aba ãna aiwairébé aba da. Ãne te za Pascowa na asa hã ihuri aba mo ĩma, Uburé Danhib'apito uptabi ma.

Ezodu 12:14

Tawamhã taha bâtâ na te za ĩnhimi'manharĩzém na 're ato za'ra wa'aba mo, wahup sidâpâsi ãma 're asipo're pu'u u'âsi za'ra wa'aba mono da. Tawamhã ãne te za ãma asima 're iromhu'u u'âsi za'ra wa'aba mo, Pascowa na dasaihurizém nhisi na hã. Asihudu norĩ zama te za ai'uirĩ na za'ra wa'aba hã ãma 're toi u'âsi za'ra, ĩnhimihâzé te tãma iba'a za'ra zém na.

Ezodu 34:23

— Si'ubdatõ wahub 'remhã te za uburé Izaraéu nhihudu norĩ si'aibâ, Uburé Danhib'apito, Izaraéu nhihudu norĩ te, 'Re ihâimana u'âsi mono ãma ĩ'ãma 're wata za'ra mono da, ĩtẽme 're isihâi'ré za'ra mono na hã te te 're sahu za'ra.

Luca 2:42

Tawamhã 12 na Zezusihi ãma wahu wamhã, te duré ime timorĩ zahuré oto, datoi u hã.

Zuwã 11:55

Romhuture di oto, dato hã da te 're i'manharĩ za'ra mono zéb u hã, Pascowa na dato nhisi hã. Tahawa, da'ahâ na te Zeruzalẽ u 're danomro daro mono bâ, zudeu norĩ hã. Dato hã sãna'rata õ ré, te za dawasété na tasiwasu'u za'ra ni, 'Re ihâimana u'âsi mono ma, dawẽ na datoi u danhisisi da. Taha da, ma tô Zeruzalẽ u aihutu ni, bâdâ hã romhuture wa oto, datoi u hã.

Zuwã 13:1

Awẽ te za oto dato hã dasiwi 'manharĩ za'ra ni, Pascowa na dato nhisi hã. Zezusi hã ma tô sina waihu'u, romhuture wa oto apâ imorĩzé hã, Timama u. Õne u'âsi te Zezusi hã tinhib'a'uwẽ te te 're azawi pese, ti'ai ãma 're ihâimana za'ra mono norĩ hã, õ tihâimanazéb 'rãsutu u.

Zuwã 2:13

Romhuture di oto, zudeu norĩ te, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi hã. Tawamhã datoi u romhuture wa, te oto Zezusi hã mo Zeruzalẽ u hã.

Zuwã 6:4

Romhuture di oto, zudeu norĩ te, dato hã da te 're i'manharĩ za'ra mono zéb u hã, Pascowa na dato nhisi hã.

1 Samuéu 1:21

Tahawa, Eucana norĩ hã ma tô ai'aba'ré, timro ti'ra norĩ me hã Silo u, wahup sidâpâsi tinhimizama zata na Uburé Danhib'apito ma 're isõpru mono zé hã te te tãma 'manharĩ da, te te tãma iropisutuzéb zarina.

1 Samuéu 1:3

Wahup sidâpâsi te Eucana tite 'ri nho'õmo hawimhã 're ne, Silo na 'ri nho'õmo nhisi u hã, Uburé Danhib'apito iwaihu'u pese ãma 're wata mono da, duré danhimizama zata na tãma 're sõpru mono da. Duré tamemhã ma tô 're hâimana zahuré, Erihi 'ra norĩ hã, Uburé Danhib'apito ma, da'ãma romhuri'wa norĩ hã. Isisi zahuré hã: Hopini na, duré Finéa na.