Luca 2:32 - ꞌRe Ihâimana Uꞌâsi Mono Zadawa Wasuꞌu

³² Rob'uiwẽzé hã te te bâdâdi uiwẽ wamhã, damorĩ wẽ di. Tane te za zudeu'õ norĩ ma, te te 're awaihu'u asimiroti hã, ãma 're nomro wẽ mono da. Wa norĩ ma, 're rowẽ za'ra mono di za, asib'a'uwẽ norĩ ma, Izaraéu nhihudu norĩ ma, isabâdâ za da te dasima 're wawasu'u wẽ u'âsi za'ra mono wa.

Luca 2:32 ပူးပေါင်းရင်းမြစ်များ

Mateu 4:16

te uburé robra na 're dahâimana za'ra. Tane nherẽ, te za oto taha 'remhã rowa'a za'ẽne hã da te 're 'madâ'â za'ra. Te za oto duré dama rowa'a, dapẽ'ẽ 're robra na 're idanomro mono norĩ ma hã.”

Luca 2:10

Tawamhã hâiwa ãma romhuri'wa, te tãma nharĩ za'ra, ãne: — Aipahi za'ra wa'aba tõ. Wa hã wa wei mo, rowasu'uwẽ te aima wasu'u za'ra wa'aba da. Rowasu'uwẽ hã da te wapari za'ra wamhã, dama 're rowẽ uptabi za'ra mono di za.

Luca 2:31

Uburé da'udâna zama ipisudu hã wa tô sabu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:23

“Danho'reptui'wa da, 'Re ihâimana u'âsi mono te te ipisudu hã te za robzépata za'ẽtẽ. Te za dasiwi wĩrĩ ni. Dadâ'â nherẽ, apâ te te 're idahâiwa'utu mono zéb da na te za sãna'rata. Tawamhã te za dama waihu'u, rowa'a na 're idanomro wẽ mono zé hã. Apâ ihâiwa'utuzéb za'u si, te za ãne hã zudeu norĩ ma waihu'u za'ra, zudeu'õ norĩ ma zama.” Ãne ma tô romhâ ré dama sadawa wasu'u za'ra. Taha na wa tô duré wa hã dama rowasu'u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:28

Tawamhã Paulu te duré tãma rowasu'u za'ra, ãne: — Tahawa, ma'ãpé waihu'u pese za'ra wa'aba. 'Re ihâimana u'âsi mono hã te za oto zudeu'õ norĩ ma waihu'u, tinhiminho'reptuzé wasu'u hã. Ta norĩ hã te za oto te te 're wapari za'ra.

1 Corĩtu 1:31

Tahawa, wa norĩ hã isazei'wa oto 're wanomro mono wa, wato sina 're iwahâimana za'ra mono zém na dama 're wasiwasu'u za'ra mono wamhã, Wanhib'apito nhimipawaptobzém na si, wa za tô dama 're wasiwasu'u wẽ za'ra, wato sina 're iwahâimana za'ra mono na hã. Duréihã 'Re ihâimana u'âsi mono zadawa 'mahârâ'wa hã ma tô ãne na ãma rob'ui'éré: “Ni'wam norĩ hã to sina oto 're hâimana za'ra mono wamhã, Wanhib'apito te te 're ipawaptob za'ra mono zém na si, te za tô dama 're siwasu'u wẽ za'ra, to sina oto 're ihâimana za'ra mono zém na hã.”

Apocalipsi 21:23

Duré 'ri nho'õmo na hã bâdâ te te 're rob'uiwẽ mono õ di za oto, duré a'amo zama hã. 'Re ihâimana u'âsi mono nhimirowa'a si te za oto te te 're rowa'a, Pone'ẽrebâ nhimirowa'a zama.