Luca 2:29 - ꞌRe Ihâimana Uꞌâsi Mono Zadawa Wasuꞌu

²⁹ — Ãhã na ma tô ãma ĩma i'uwaimra, aimreme hã. Tahawa, ĩto na, wa za a'ré.

Luca 2:29 ပူးပေါင်းရင်းမြစ်များ

Zenezi 15:15

A hã atâ'â wamhã, te za aima rowẽ sina aihi'rata norĩ u aimo. Asi'ihi pese wapsi te za ai'ãma ti'a ni.

Zenezi 46:30

Tawamhã Zaco, te ãne ti'ra ma tinha: — Wa za oto dârâ ĩsima iwẽ na, ĩtõmo na te ai'ubu 'madâ'â wa oto, duré zahadu aihâiba ré 're i'aihâimana mono na zama te waihu'u wa.

Luca 2:26

'Re ihâimana u'âsi mono pẽ'ẽzani ré, te 're mo, Simiã hã. Ipẽ'ẽzani hã ma tô tãma ropisutu, ãne: “Atâ'â õ ré, te za Danho'reptui'wa da hã isabu, 'Re ihâimana u'âsi mono te te ipisudu hã.” Ãne ma tô Simiãhã ma waihu'u siro.

Luca 2:28

Tawamhã Simiã, ma tô tipa ti'â i'ra hã, 'Re ihâimana u'âsi mono ãma wata da. Ãne te tawamhã ãma tiwata:

Filipu 1:23

Ĩnhimirosa'rada hã maparane te 're si'wapé zahuré, ĩpẽ'ẽ 'remhã. Ti'ai ãma 're ĩmorĩzé hã te rẽme da hã, wa ĩsima te 're wẽ tô, Cristuhu siré 're ĩhâimana mono da oto, hâiwa ãma. Ãne wamhã, ĩma 're rowẽ uptabi mono di aré, ti'ai ãma 're ĩhâimana mono zém nhipai u hã.

Apocalipsi 14:13

Tawamhã wa tô duré wapa, hâiwa hawi ni'wai mreme hã. Ãne te ĩma ti'ru: — Ma'ãpé, ãne ãma rob'ui'éré: “Ãhã na te iwaihu'uzém hawi, ni'wam norĩ hã Wanhib'apito ma, te te 're romhuri pese za'ra mono zawéré ré, 're dâ'â za'ra mono wamhã, tãma 're rowẽ uptabi za'ra mono di za.” Tawamhã 'Re ihâimana u'âsi mono pẽ'ẽzani hã ma ãma saze, timreme na. Ãne ma ãma saze: “Tane tô. Tãma 're rowẽ uptabi za'ra mono di za tô. Simi'ẽ na tinhimiromhuri wẽ ré, te za hâiwa u iré 're sisisi. Tahawa, te za oto romhuri na tisiwasudu hã te te 're sahâri za'ra.” Ãne 'Re ihâimana u'âsi mono pẽ'ẽzani te te ãma isazezé hã. Ãne te za ãma irob'ui'é.

Apocalipsi 6:10

Tawamhã mreme 'rãihâ na te hã: — Wanhib'apito, danhipai u aiwaihu'u pese di. Duré aiwẽ uptabi di. Tô sena, a hã. Tahawa, e nimahã na hã wa'uprosi'wa norĩ ãma iwasédé hã sa'ra õ di za, ti'ai ãma 're ihâimana wasété za'ra mono ãma. E niwamhã wa'ruiwa'âbâ za'ra õ di za, asimi'ahârizém na hã.