Luca 2:27 - ꞌRe Ihâimana Uꞌâsi Mono Zadawa Wasuꞌu

²⁷ Tawamhã te te tãma iwaihu'uzéb zarina, te oto mo, 'Re ihâimana u'âsi mono nhorõwa 'ri u, Simiã hã. Isa'u si, ma tô tizasi zahuré, Zuzé norĩ hã, 'Re ihâimana u'âsi mono nhimiroti te te ãma uwaimrami zahuré da.

Luca 2:27 ပူးပေါင်းရင်းမြစ်များ

Mateu 4:1

Tawamhã 'Re ihâimana u'âsi mono pẽ'ẽzani ma tô Zezusi hã saprõ a'ubuni u, tame Wa'uburé hã te te nasi pibu da.

Luca 2:22

Tawamhã bâdâ ma tô oto iwa waptãrã, 'Re ihâimana u'âsi mono nhimiroti te te ãma uwaimrami zahuré da, Zuzé norĩ, Mariaha me. Te za ãma uwaimrami zahuré, ti'ra na, duré pi'õ na. Ãne Mozésihi nhimi'ui'éré hã, 'Re ihâimana u'âsi mono nhimiroti na: “'Watébrémi, waptã'ã wamhã, te te ãma irosõwada 'rada hã te za imama norĩ te te tãma 're sõmri za'ra apâ, 'Re ihâimana u'âsi mono ma.” Ãne isimiroti hã. Isimiroti hâiba amo hã, ãne: “Pi'õ hã 're 'ra za'ra mono wamhã, te za maparane naire hã te te tãma 're sõmri za'ra, 'Re ihâimana u'âsi mono ma. Naire õ wamhã, te za maparane utu'ure te te tãma 're sõmri za'ra, apâ tãma 're hâiba wẽ za'ra mono da, pi'õ norĩ hã.” Ãne isimiroti hã. Tahawa, isimiroti zarina, te oto Zuzé norĩ hã tineb zahuré ti'ra ré, Zeruzalẽ u, 'Re ihâimana u'âsi mono ma, ti'ra te te sõmri zahuré da, duré si te te tãma sõmri zahuré da, da te tãma zata zahuré da.

Luca 2:28

Tawamhã Simiã, ma tô tipa ti'â i'ra hã, 'Re ihâimana u'âsi mono ãma wata da. Ãne te tawamhã ãma tiwata:

Luca 2:41

Wahup sidâpâsi, te Zezusihi mama norĩ hã dame 're neb zahuré Zeruzalẽ u, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi hã.

Luca 2:48

Duré imama norĩ hã te te 'madâ'â zahuré wamhã, ma duré ãma titob'uzu zahuré. Tawamhã ina te tãma tinha, ãne: — Ĩ'ra, e tiha da, ma tô ãne hã wama i'manha. Taré wa tô asô 're warĩtĩ, aimama me, ai'ãma wapẽ'ẽzé sina.

Luca 2:51

Tawamhã Zezusi te ime timorĩ zahuré apâ, Nazaré u. Tame timama norĩ mreme, te te 're wapari pese. Ina hã i'ra tãma isiwasu'uzéb zahuré na, te te 're rosa'rata u'âsi, tipẽ'ẽ na.

Luca 4:1

Tawamhã Zodã pa hawi, te oto mo Zezusi hã, tirob u apâ morĩ da. 'Re ihâimana u'âsi mono pẽ'ẽzani ré, te 're mo. Taha si, te te 're wapari pese. Tawamhã Ipẽ'ẽzani hã te saprõ, a'ubuni u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:19

Zahadu te Pedru hã ãma rosa'rata, te te i'madâ'âzém na. Tawamhã 'Re ihâimana u'âsi mono hã ma tô Tipẽ'ẽzani na tãma waihu'u, ãne: — Õhõta, aibâ norĩ hã te we asô sinharĩ za'ra, si'ubdatõ ihâiba norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:12

Tawamhã 'Re ihâimana u'âsi mono pẽ'ẽzani hã ma tô ĩma waihu'u, awa'awi ime ĩmorĩ za'ra da. Tahawa, wa tô ime ĩmorĩ za'ra. Isazei'wa norĩ hã, Zopi hawi ĩsiré we isi'aba'ré norĩ hã 6 na ihâiba hã, ta norĩ hã ma tô duré ĩsiré ai'aba'ré, Sézaréa u. Wasihutu wamhã, aibâ hã ĩzô ihârâ nhorõwa u wa tô asisi ni, 'ri para u, Coneliuhu nhorõwa u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:7

Tawamhã ma tô aihutu, ti'a nhizârizéb u, Mizia na danhipti'a nho'õmo nhisi u. Taha wamhã, Bitinia na danhipti'a nho'õmo nhisi u hã duré sisisi neza. Tane nherẽ, Zezusi hã ma tô Tipẽ'ẽzani na tiwi rosawi za'ra, tamomo si'aba'ré tõ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:29

Tawamhã 'Re ihâimana u'âsi mono pẽ'ẽzani hã ma tô tãma tinha Filipihi ma, itẽme si'ré da, isababa morĩ da, awaru na wedewara zapore zababa.

Galata 4:4

Tawamhã bâdâ oto iwa waptã'ã wamhã, 'Re ihâimana u'âsi mono hã ti'ra ãma te te irotizéb zarina, ti'ai u we te te isatõrĩ da hã. We te te satõrĩ wamhã, ma tô pi'õi ma i'ra hã tãma podo oto, zudeu na. Zudeu na poto wa, pire na ma tô tãma 're hâimana, 'Re ihâimana u'âsi mono nhimiroti hã, Mozésihi ma te te 're i'awaihu'u mono hã.

Apocalipsi 1:10

Tawamhã tame ĩnhamra ré, Wanhib'apito nhibâtâ na 'Re ihâimana u'âsi mono pẽ'ẽzani hã ma tô ĩ'uihâ pi'ra. Te te ĩ'uihâ pi'rai wa, wa tô aimawi ĩhâiba, ĩhâiba waihu'u õ na. Tawamhã ĩhâiba waihu'u õ na ĩhâimana ré, wa tô ni'wai mreme hã wapa, ĩbabarãi hawi. Mreme 'rãihâ na te ĩma tinha, danhimnhihârâzé hârâ 'rãihâ na ne.

Apocalipsi 17:3

Tawamhã 'Re ihâimana u'âsi mono pẽ'ẽzani hã ma tô duré ĩ'uihâ pi'ra. Te te ĩ'uihâ pi'rai wa, wa tô duré aimawi ĩhâiba. Tawamhã hâiwa ãma romhuri'wa hã ma tô ĩzaprõ, a'ubuni u, supara'ré u. Tame pi'õ hã wa tô 'madâ'â, ropoto siwamnarĩ ipré nhisiwi, isãmra hã. Ropoto siwamnarĩ hâiba hã ma te rob'ui'éré hã hâiba'utõ. Aiwa 'Re ihâimana u'âsi mono wamri sine na, isiwaptẽrẽ ui'éré wasédé hã. Duré 7 na i'rã hã, ta hã. Duré i'u hã 10 na. Taha hâiba nhisiwi, te pi'õ hã nhamra.