Luca 2:21 - ꞌRe Ihâimana Uꞌâsi Mono Zadawa Wasuꞌu

²¹ Romhuri misi ãma si'utõrĩ pari, ai'uté iwaptã'ãzém na hã, ma tô oto sihâiwata nhizâri ni. Ma tô duré sisi zahuré ina norĩ hã, Zezusi na. Ã hã isisi hã waptã'ã õ ré, hâiwa ãma romhuri'wa te te tãma iwaihu'uzéb zarina, ma sisi zahuré.

Luca 2:21 ပူးပေါင်းရင်းမြစ်များ

Zenezi 17:12

Tahawa ã hawim haré te za oto uburé 'watébrémi na ai'uté 're ipoto za'ra mono ãma 8 na bâdâ ipotozém na ãma 're isi'utõrĩ za'ra mono ãma 're i'anhihâiwata nhihâri mo. Asõrõwa 're, 're ipoto za'ra mono pawa'âbâ ãna aima romhuri'wa norĩ, asiré a'uwẽ'õ norĩ wi i'uipra za'ra norĩ zama te za 're i'anhihâiwata nhihâri mo.

Mateu 1:21

I'ra hã 'watébrémi na te za tãma podo. Tawamhã Zezusi na te za isisi. Danho'reptui'wa te wasu'u, isisi hã. Taha si te za tinhib'a'uwẽ hã te te 're anho'reptu, iwasété hawi, duré 'Re ihâimana u'âsi mono te te 're idahâ za'ra mono zém hawi.

Mateu 1:25

Tane nherẽ, Zuzé hã te te ãma sima rosa'rata upai õ di, a'â ãma panomro da hã Mariaha ãma, i'ra hã tãma waptã'ã õ ré. Taré te iré pibui wẽ. Tawamhã i'ra tãma waptã'ã wamhã, Zuzé hã ma tô sisi, Zezusi na.

Mateu 3:15

Tawamhã Zezusi ma te asa ãne ãma tãma wa'rã: — Wẽ nherẽ, tane hã tô aré. Tane nherẽ, te za tô a hã ĩma i'manha, 'Re ihâimana u'âsi mono te te wama ipisutuzéb zarina, wa te wasina uwaimrami da. Tahawa, Zuwã hã ma tô ãma saze. Duré te te ãma sazei wa, ma tô â dawabzuri hã Zezusihi ma 'manha.

Luca 1:31

Tahawa, te za aiwasã. Ai'ra te za aibâ na aima podo. Ai'ra hã poto wapsi, Zezusi na te za isisi.

Luca 1:59

Tawamhã bâdâ hã iwaptã'ãzém na hã, 7 na ma tô ãma ai'utõ. Tahawa, awẽm na ma oto sihâiwata nhizâri ni. 'Re ihâimana u'âsi mono nhib'a'uwẽ 're morĩ da, ipibui pese zéb da, ma sihâiwata nhizâri ni. Tawamhã imama nhisi na, te aré sisi za'ra ai'uté hã, Zacaria na, isisãnawã norĩ hã.

Filipu 2:8

A'uwẽ hâiba na dasine 're hâimana mono wamhã, ma tô sima pisutu, dazapari dama wapu na 're hâimana mono da a'â. 'Re ihâimana u'âsi mono hã ma tô duré te te 're wapari pese, õ tidâ'âzéb u. Marĩ 'manharĩ wasété 'wa norĩ pãrĩzéb da na wedepo'o nhonhi'rãmi na dâ'â da nherẽ, ma tô, tô Timama hã te te 're wapari pese, sisawi ãna.