Luca 2:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã awa'awi ma tô tãma sihâi'ré za'ra romhuri'wa norĩ hã, ahâ uptabi na, hâiwa hawimhã. 'Re ihâimana u'âsi mono ãma te tiwata za'ra, ãne:

Luca 2:13 ပူးပေါင်းရင်းမြစ်များ

Zenezi 28:12

Tawamhã Zaco ma tô te te saho. Te te isahoi mono 'remhã ma tô sai'urizé hã 'madâ, ti'ai hawi isãna'rada, hâiwa u i'rãsudu hã. Tawamhã 'Re ihâimana u'âsi mono ma romhuri'wa norĩ hã te nasi ãma sai'uri za'ra. Te duré nasi ãma si'ra za'ra, ti'ai u hã.

Daniéu 7:10

Taha nho'remhã ma tô duré unhama na â hã tipraba. Tamemhã te duré da'ahâ uptabi na tahâimana za'ra ni, marĩ, da te tãma i'manharĩ za'ra da hã. Nemo te da'ahâ uptabi na duré daza'rata waihu'u ãna isõ're aimasam ni. Tawamhã da'ãma rowairébézé oto sãna'rata wamhã, ma tô ibaihâ hã sõzi za'ra ni.

Luca 15:10

— Tane duré, ni'wa hã siwa'ru 're imorĩ hã, tiwasédé hã te te oto rẽme pese wamhã, hâiwa ãma 'Re ihâimana u'âsi mono ma romhuri'wa norĩ hã te za ãma 're to za'ra, tiwasédé hã te te rẽme pese wẽ te, misi nherẽ.

Luca 2:12

Iwaptã'ãzé hã tô sena na waihu'u za'ra wa'aba da, te za ai'uté hã isabu za'ra wa'wa. Wede're wa, te nomro, zazahâ pa na, ubu ré.

Luca 2:14

— 'Re ihâimana u'âsi mono hã sõprub di, hâiwa ãma 're isãmra mono hã. Ma tô sima dawẽ, iwẽ hã te te dama 're anhomri mono da, rowẽ na 're danomro mono da oto, ti'ai ãma hã.

Éfézu 3:10

Ta hã ma tô sima wẽ, hâiwa ãma pire na 're ihâimana za'ra mono norĩ hã te te waihu'u za'ra da oto, hâiwa hawi dahâimanazém na rowaihu'u wẽ hã ahâ na tãma 're ihâimana mono na hã. Simisutu isib'a'uwẽ norĩ hã oto tãma 're hâimana za'ra mono wa, te za oto ãne na waihu'u za'ra, duréihã te te sima da'ãma irotizé hã te te da'ãma uwaimrami wa, Wanhib'apito Cristu Zezusi te te ida'anho'reptuzéb zarina.

1 Timotiu 3:16

Tô sena Zezu Cristuhu wasu'uwẽ hã wẽ uptabi di, aré dama sa'rese õ nherẽ, Wamama hã te te oto dama ihâi'ré hã wa te 're isaze za'ra mono zé hã, ãma 're iwanomro wẽ mono zéb da hã. Ãne te te dama iwaihu'uzé hã: “A'uwẽ na ma podo, ti'ai ãma. Duré tô sena i'ra 're imorĩ wẽ uptabi na, ma tô Tipẽ'ẽzani na dama waihu'u za'ra. Duré hâiwa ãma 'Re ihâimana u'âsi mono ma romhuri'wa norĩ hã ma tô titõmo na 'madâ'â za'ra. Duré a'uwẽ mono bâ 're idahâimana za'ra mono norĩ hã ma tô iwasu'uwẽ na da te 're dapo're pu'u za'ra, daro mono bâ. Ma tô duré da te dasina 're umnhasi za'ra. Duré rowẽ uptabi u ma tô mo, hâiwa u.”

Hebreu 1:14

E niha tawamhã, hâiwa ãma romhuri'wa norĩ 're ihâimana za'ra mono zé hã. Ta norĩ hã ihâiba'õ, 'Re ihâimana u'âsi mono ma, romhuri'wa norĩ. Ta norĩ si ma tô 'Re ihâimana u'âsi mono hã te te 're satõrĩ za'ra ti'ai u, za te te isõ'reptu za'ra norĩ hã te te 're pawaptob za'ra mono da, ti'ab ré. Taha na si, ta norĩ nhimiromhurizé hã te tãma 're hâimana za'ra.

1 Pedru 1:12

'Re ihâimana u'âsi mono, ma tô duré ãne hã tãma waihu'u siromo za'ra: “Aima wa'aba si, te waihu'u za'ra wa'aba õ di, danho'reptui'wai wasu'u hã. Ai'uirĩ na wa'aba, za 're idahâimana za'ra mono norĩ pibu ma, wa tô ãne hã aima waihu'u siromo za'ra wa'wa.” Ãne ma tô tãma waihu'u za'ra, aipibu ma za'ra wa'aba zama. Wanhib'apito zadawa wasu'u'wa norĩ hã ma tô oto rowasu'uwẽ na aipo're pu'u za'ra wa'wa, Cristu te te 're ida'anho'reptui mono zém na. Hâiwa hawi, Wanhib'apito pẽ'ẽzani nhimipawaptobzéb zarina, tô sena Cristuhu wasu'uwẽ na ma tô aipo're pu'u za'ra wa'wa. Taha wasu'u hã wẽ uptabi wa, te oto hâiwa ãma romhuri'wa norĩ hã te te sima 're wẽ uptabi za'ra, te te 're waihu'u pese za'ra mono da.

Apocalipsi 5:11

Tawamhã wa tô duré 'madâ. Te 'madâ'â wamhã, hâiwa ãma romhuri'wa norĩ hã te nemo tizadawa'a'a, ahâ uptabi na. Da te sa'rata waihu'u za'ra õ di ta norĩ hã. Danhib'apito simasisizé hã ma siwi uirĩ. Duré maparane si'uiwa na ropoto na ihâiba norĩ mana wawi te asõré, 24 na dama ipire za'ra norĩ hã isisõré mana wawib zama.