Luca 2:1 - ꞌRe Ihâimana Uꞌâsi Mono Zadawa Wasuꞌu

^1-2 Tawamhã Zuwã hã waptã'ã wamhã, ma tô Roma ãma danhib'apito Agustu hã dama ti'ru, uburé danhisi na, da te daza'rata za'ra da. Dahâiba te te waihu'u da, ma tô dama ti'ru, daza'ratazé hã. Daza'rui mono bâ danhib'apito uptabi, apito Agustu hã. Tawamhã ma tô dahâiba za'rata na sãna'rata za'ra ni, Sireniu hã, isadawa para te te dama 're roti mono ré, Siria na ti'a nhisi ãma.

Luca 2:1 ပူးပေါင်းရင်းမြစ်များ

Mateu 22:17

Tahawa, wa za oto wa norĩ hã wasiwi asadanharĩ za'ra ni, ãne. E Roma ãma danhib'apito uptabi ma, wa za rob'uiprazé hã wa te tãma 're arĩ za'ra, isimiwada'uri zarina. E 'Re ihâimana u'âsi mono ma, wẽ di, ãne hã. E tãma wẽ õ di. Ma'ãpé wama waihu'u za'ra na asimirosa'rada hã, wa te waihu'u za'ra da.

Mateu 24:14

'Re ihâimana u'âsi mono, da'ãma 're isib'a'uwẽ mono zé wasu'u hã iwẽ uptabi hã, ĩzazei'wa norĩ hã te za daro mono bâ te te dama 're wasu'u za'ra, daro mono bâ da te oto 're wapari za'ra mono da, da te ãma 're isaze za'ra mono zéb da hã. Tame te za oto tirob'rãsutu.

Marcu 14:9

Tô sena, wa ãne aima waihu'u za'ra wa'wa. Daro mono bâ te za ĩwasu'uwẽ na da te 're dapo're pu'u za'ra. Tawamhã pi'õ hã te te ĩma i'manharĩ wẽ zém na zama, te za da te dasima 're wasu'u u'âsi za'ra, ãma 're dasipo're pu'u za'ra mono da.

Marcu 16:15

Tahawa, te ãne oto tãma nharĩ za'ra: — Daro mono bâ te za oto 're iropéi wa'aba mo, a'uwẽ mono bâ, ĩwasu'uwẽ na 're dapo're pu'u za'ra wa'aba mono da.

Luca 2:3

Tahawa, dahi'rata za'ru u, ma tô 're danomro daro mono bâ, danhisi na da te 're daza'rata za'ra mono da.

Luca 2:5

Timro me, te tineb zahuré Mariaha me, isisi na, da te dame rob'ui'éré zahuré da. Wasã ré, te saprõ.

Luca 3:1

Tawamhã 15 na ma tô ãma tiwahu, Tibériuhu ãma, danhib'apito na 're hâimana mono ré, Roma ãma hã. Isadawa para, te Põsiu Pilatu hã te te dama 're roti, Zudéa ãma. Duré Erodi hã te te dama 're roti isadawa para, Galiléa ãma. Duré Erodihi no hã Filipi hã te te dama 're roti, isadawa para, Itureza na danhipti'a nho'õmo nhisi ãma, duré Taraconiti na danhipti'a nho'õmo nhisi ãma. Duré Risãniza hã te te dama 're roti, isadawa para, Abireni na danhipti'a nho'õmo nhisi ãma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:28

Agabu na aibâ nhisi hã te ime timorĩ za'ra, tisiré isadawa wasu'u'wa norĩ me. Tawamhã Ãtioquia u sihutu wamhã, Agabu hã ma tô hâiwi za. 'Re ihâimana u'âsi mono pẽ'ẽzani te te tãma iwaihu'uzéb zarina, ma tô dama waihu'u siro romhâ ré, amnho hã daro mono bâ za dawi isi'utõrĩ mono na hã. (Roma ãma danhib'apito Claudiu hã te te dama 're roti mono ré, ma tô ãne hã tô da'ãma tiromhâiba, amnho õ na hã.)

Zezusihi zadawa wasuꞌuꞌwa norĩ nhimiromhuri na robꞌuiꞌéré 25:11

Marĩ iwasédé hã te 'manharĩ 'wa'âhã, da te dasiwi ĩwĩrĩ da hã, aré ĩsisawi õ di. Tane nherẽ, ĩwasédé hã te te siwi ĩ'ãma isa'ra hã tô senai õ wamhã, ni'wa hã te te tãma ĩza'réi waihu'u za'ra õ di. Tahawa, Roma u si te za ĩzatõ, apito Sézaha nho're ĩzab da, taha ma si ĩsiwasu'u da, tame.

Zezusihi zadawa wasuꞌuꞌwa norĩ nhimiromhuri na robꞌuiꞌéré 25:21

Tane nherẽ, ma tô ĩwi rowaptẽ, Roma ãma apito Sézaha u si te satõrĩ da, duré da'wapéi'wa norĩ nhib'rata sãmra da a'â, tamomo te satõrĩ õ ré. Tahawa, wa tô dama ti'ru, da te dasiwi ãma ropti da, ãme sãmra da a'â Paulu hã, apito Sézaha u te satõrĩ õ ré.

Roma 1:8

Ãhã na, wa za Ĩnhib'apito ãma uimrehẽne ĩwata, ĩmreme na, 'Re ihâimana u'âsi mono ãma, Zezu Cristuhu nhimipawaptobzéb zarina 're sazei pese za'ra wa'aba mono wa, aiwasu'u za'ra wa'wa hã daro mono bâ da te 're wapari za'ra mono wa.

Filipu 4:22

Uburé 'Re ihâimana u'âsi mono nhib'a'uwẽ norĩ, ãme 're ihâimana za'ra mono norĩ hã te duré ãma asawi za'ra wa'wa. Apito Sézaha nhorõwa ãma 'ri 'rãihâ 're, romhuri'wa norĩ zama te duré ãma asawi za'ra wa'wa dame, wasiré isazei'wa norĩ hã.