Luca 19:6 - ꞌRe Ihâimana Uꞌâsi Mono Zadawa Wasuꞌu

⁶ Tahawa, ma si'aba'ré na si'ra. To sina, ma tô tãma tinha, isõrõwa u isiré morĩ da, i'rata a'â sãmra da.

Luca 19:6 ပူးပေါင်းရင်းမြစ်များ

Luca 19:5

Tawamhã Zezusi wede u oto wisi wamhã, hâimo te 'mazawẽ. Ãhã wamhã, ma tô 'mahâ Zaqueu hã, ãne: — Zaqueu, ai'aba'ré na we si'ra na. Ã bâtâ na hã asõrõwa ãma ĩhâimana da hã wa ĩsima wẽ.

Luca 19:7

Tawamhã isõrõwa u sébré wamhã, te dasima nharĩ za'ra ni, Zezusihi za'u, ãne: — Zapre, ma bété isõrõwa u ãzé, aibâ iwasété nhorõwa u.

Luca 2:16

Tawamhã si'aba'ré na te oto ai'aba'ré, Belẽ u. Tame ma tô sabu za'ra Maria hã, Zuzéhé me. Ai'uté zama, ma duré sabu za'ra. Danhimizama sazé wa, wede're wa, te nomro.

Luca 5:29

Tawamhã Zezusi te te sawi da, ma tô tinhorõwa ãma dasa hã dama 'manha, sa'ẽtẽ na. Zezusihi siré, te za dasa hã huri ni. Tahawa, rob'uiprazé arĩ ubumroi'wa norĩ hã te i'rata ai'ubumro, isiré saihuri da, da'ahâ na. Ni'wam norĩ zama, te isiré tisa tihu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:15

Tahawa, ma tô â dawabzuri hã 'manharĩ za'ra, Lidia norĩ hã isiré isõrõwa ãma 're isi'ubumroi mono norĩ me. Taha pari, te duré wazô tihârâ za'ra, i'rata wasi'ubumro da a'â. Ãne te wazô tihârâ za'ra: — Wa hã, Wanhib'apito zazei'wa na sena na ĩwaihu'u za'ra wa'aba wamhã, ĩnhorõwa ãma te za asimroi wa'wa a'â. Ãne wama siwaihu'u za'ra zawi te, wa tô itẽme ai'aba'ré ni, i'rata wasi'ubumro da a'â.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:34

Taha pari, tinhorõwa u te oto saprõni zahuré. Isa ma tô tãma sõmri zahuré, sa zahuré da. Tawamhã dazazé 'madâ'â'wa hã, toi uptabi di oto. Isõrõwa ãma isiré 're isi'ubumroi mono norĩ zama toi uptabi za'ra di, 'Re ihâimana u'âsi mono te te saze za'ra wa, duré ta norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:41

Tawamhã da'ahâ na ma tô Zezusi hã saze za'ra ni, Pedru te te dama isadawa wasu'uzém na hã. Tahawa, ma oto â dawabzuri hã 'manharĩ za'ra ni, 3 miu na dahâiba hã. Tawamhã Zezusihi zazei na'rata 'wa norĩ me, ma tô oto sitẽme atob za'ra. Taha wamhã, ahâ uptabi di oto, isazei'wa norĩ hã.