Luca 19:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Zezusi wede u oto wisi wamhã, hâimo te 'mazawẽ. Ãhã wamhã, ma tô 'mahâ Zaqueu hã, ãne: — Zaqueu, ai'aba'ré na we si'ra na. Ã bâtâ na hã asõrõwa ãma ĩhâimana da hã wa ĩsima wẽ.

Luca 19:5 ပူးပေါင်းရင်းမြစ်များ

Luca 19:2

Zerico ãma, te aibâ isibro pe hã 're hâimana, Zaqueu na isisi hã. Danhib'apito ma, rob'uiprazé arĩ ubumroi'wa norĩ 'madâ'â'wa, Zaqueu hã.

Luca 19:4

Tahawa, ma tô danho'a wara, wede u, te te sai'uri da, sipapara te te 'madâ'â da, iwa'wai baba za wei morĩ wa, Zezusi hã.

Luca 19:6

Tahawa, ma si'aba'ré na si'ra. To sina, ma tô tãma tinha, isõrõwa u isiré morĩ da, i'rata a'â sãmra da.

Zuwã 1:48

Tahawa, te Natãnaéu hã asa tãma tinha, ãne: — E niha ma tô ĩwaihu. Tawamhã te duré Zezusi asa tãma tinha, ãne: — Filipi hã te te ai'mahârâ õ ré, wa tô ai'madâ, figuera wede 'rowi asãmra ré.

Zuwã 14:23

Tawamhã Zezusi asa te duré tãma tinha, ãne: — Ni'wam norĩ hã te te 're ĩzawi pese za'ra mono wamhã, te za ĩnhimiroti si te te 're 'madâ'â pese za'ra. Tawamhã Ĩmama, te za duré asa hã te te 're sawi pese za'ra. Wa norĩ hã wa za itẽme 're wasihutu, i'rata 're wahâimana u'âsi za'ra mono da.

2 Corĩtu 6:1

Wa norĩ hã 'Re ihâimana u'âsi mono siré, wa te tãma 're iromhuri za'ra mono norĩ hã, wa za oto aima ãma roti pese za'ra wa'aba ni. 'Re ihâimana u'âsi mono, ma tô tinhimizawi pese zéb zarina, aima 're sõprub za'ra wa'wa, iwẽ na hã. Tahawa, isazei'wa na taré dama 're asiwasu'u za'ra wa'aba mono õ di za. 'Re aihâimana za'ra wa'aba mono zém na, te za asa iwa'rãmi asina tãma 're i'uwaimrami u'âsi za'ra wa'aba mo, 'Re ihâimana u'âsi mono ma hã.

Hebreu 13:2

Darob amoi hawi atẽme 're dasihutu za'ra wa'aba mono wamhã, asõrõwa u, te za duré 're ida'mazasi wẽ za'ra wa'aba mo. Ni'wam norĩ hã tinhorõwa u te te 're da'mazasi wẽ za'ra mono wamhã, hâiwa ãma 'Re ihâimana u'âsi mono ma romhuri'wa norĩ hã ma tô te te 're 'mazasi wẽ za'ra, ta norĩ ma, tãma sa'rese za'ra õ nherẽ, hâiwa ãma romhuri'wa norĩ hã.

Apocalipsi 3:20

“Ma'ãpé duré, wapari pese za'ra wa'aba, te ãma isimiré hã. Aibâ te 'ridawab za. Tawamhã 'ri tede'wa hã te 'mahâ, sãmra zô, duré itẽme sébré da. Tawamhã 'ri tede'wa te te wapari wamhã, te za tãma 'ridawa, sitẽme te te 'mazébré da, siré sa zahuré wa, rowẽ na te te sima rowasu'u zahuré da. Tane wa hã aibâ, 'ridawa isam ne, wa asô 're ĩnhimipari za'ra wa'wa. Ĩmreme 're wapari za'ra wa'aba mono wa, ĩzô 're aihãsi aba mono zô, wa 're ĩnhimipari u'âsi. Tawamhã ĩzô 're aihãsi aba mono wapsi, duré asitẽme 're ĩ'mazasi za'ra wa'aba mono wapsi, wa za aipẽ'ẽ 're, 're ĩnhamra u'âsi za'ra wa'wa. Tawapsi, wa za wasiré rowẽ na 're wahâimana u'âsi za'ra.